घटनेची माहिती मिळताच नागपूर पोलिस आणि बॉम्ब निकामी पथक घटनास्थळी दाखल झाले. संपूर्ण परिसर सील करण्यात आला आणि कसून तपास सुरू झाला. पोलिसांनी सांगितले की, न्यायालयाच्या सुरक्षा व्यवस्थेत असलेल्या एका अधिकाऱ्याला फोनवरून कोर्टला बॉम्बने उडवण्याची धमकी दिली गेली. यानंतर लगेचच परिसरातील सुरक्षाव्यवस्था वाढवण्यात आली.
Nagpur News : आधी पाळत ठेवली, मग रस्त्यात गाठले, साथीदाराच्या मदतीने बॉयफ्रेंडने प्रेयसीच्या नवऱ्याला संपवलेसदर पोलिस ठाण्याला याबाबत तात्काळ माहिती देण्यात आली. वरिष्ठ पोलिस अधिकारी, बॉम्ब निकामी पथक आणि डॉग स्क्वॉड यांनी संपूर्ण परिसराची तपासणी केली. तपासादरम्यान कोणताही स्फोटक पदार्थ आढळून आला नाही. मात्र, बेवारस बॅगमध्ये एक चालू स्थितीतील मोबाईल आणि काही कागदपत्रे मिळाले. मोबाईल व कागद तपासणीसाठी ताब्यात घेण्यात आले आहेत.

ही घटना २४ मार्च २०२५ रोजी मिळालेल्या अशाच प्रकारच्या बॉम्ब असल्याची धमकीची आठवण करून देते. त्या वेळेस देखील अशीच अफवा पसरली होती, मात्र ती खोटी ठरली. यावेळी देखील कोणतीही स्फोटक सामग्री न सापडल्यामुळे ही धमकी फक्त घाबरवण्याचा प्रयत्न असावा, असा पोलिसांचा अंदाज आहे.

पोलिसांकडून मोबाईलची कॉल डिटेल्स तपासली जात असून धमकी देणाऱ्या व्यक्तीचा शोध घेण्याचे काम सुरू आहे. उच्च न्यायालय परिसरातील सीसीटीव्ही फुटेजचीही चौकशी केली जात आहे. या प्रकारामुळे नागपूर उच्च न्यायालयाच्या सुरक्षेवर पुन्हा एकदा प्रश्नचिन्ह निर्माण झाले असून अधिक कठोर उपाययोजना करण्यात येणार असल्याची माहिती पोलिसांकडून देण्यात आली आहे. सध्या न्यायालय परिसरात सुरक्षेची तीनपटीने वाढ करण्यात आली आहे आणि सर्व हालचालींवर बारीक लक्ष ठेवले जात आहे.