Pune Jagdale and Gabote Family : ज्या ठिकाणी गोळीबार झाला तिथे पुण्यातील जगदाळे आणि गाबोटे अशी दोन कुटुंब एकत्र गेली होती. यापैकी दोन्ही कुटुंबातील प्रत्येकी एका व्यक्तीला दहशतवाद्यांच्या हल्ल्यात गोळ्या लागल्या आहेत. त्यांच्यावर सध्या रुग्णालयात उपचार सुरु आहेत, अशी माहिती केंद्रीय सहकार आणि नागरी विमान वाहतूक राज्यमंत्री मुरलीधर मोहोळ यांनी दिली आहे.
“दहशतवाद्यांनी केलेल्या भ्याड हल्ल्याचा निषेध करतो. जगदाळे आणि गनबोटे कुटुंबाच्या मी संपर्कात आहे. यासोबतच महाराष्ट्रातील पर्यटकांच्या सुरक्षेच्या आणि मदतीच्या अनुषंगाने आमचे प्रयत्न सुरू आहेत. कौस्तुभ यांच्या मुलीशी माझा संपर्क झाला आहे. त्यांना आवश्यक असलेली वैद्यकीय आणि अन्य मदत, उपचार दिले जात आहेत. या मुलीसमोरच तिच्या वडिलांना गोळ्या घालण्यात आल्या आहेत”, अशी माहिती मुरलीधर मोहोळ यांनी दिली.
“मदतकार्य युद्ध पातळीवर सुरू आहे. पंतप्रधान नरेंद्र मोदी यांनी देखील कडक शब्दांत या घटनेची निंदा केली आहे. आवश्यक ती सर्व कडक कारवाई केली जाणार आहे. गृहमंत्री अमित शाह तातडीने काश्मीरला रवाना झाले आहेत. महाराष्ट्रातील पर्यटकांसाठी आम्ही काळजीने सर्व गोष्टी करीत आहोत”, अशीदेखील प्रतिक्रिया मुरलीधर मोहोळ यांनी दिली.
महाराष्ट्रातील दोन पर्यटकांचा मृत्यू
मिळालेल्या माहितीनुसार, दहशतवाद्यांच्या हल्ल्यात महाराष्ट्रातील दोन पर्यटकांचा मृत्यू झाला आहे. महाराष्ट्राचे दिलीप डिसले आणि अतुल मोने या पर्यटकांचा या घटनेत दुर्देवाने मृत्यू झाला आहे. तर पनवेलचे माणिक पटेल हे देखील जखमी झाल्याची माहिती आहे. तसेत एस. भालचंद्र हे देखील जखमी झाल्याची माहिती मिळत आहे. महाराष्ट्राचे मुख्यमंत्री देवेंद्र फडणवीस हे जम्मू-काश्मीर प्रशासनाच्या वरिष्ठ अधिकाऱ्यांच्या संपर्कात आहेत. फडणवीसांनी जम्मू-काश्मीरच्या विभागीय आयुक्तांनाही फोन करुन प्रकरणाची संपूर्ण माहिती घेतली आहे.
पुण्यातून पहलगामला फिरायला गेलेल्या पर्यटकांची नावे :
असावरी जगदाळे – महाराष्ट्र
प्रगती जगदाळे – महाराष्ट्र
संतोष जगदाळे – महाराष्ट्र
कौस्तुभ गाबोटे – महाराष्ट्र
संगीता गाबोटे – महाराष्ट्र