युगेंद्र पवार यांनी कांकीची बैठकीपूर्वी भेट घेत त्यांच्या पाया पडले. त्यानंतर बैठकीतही दोघेही शेजारी बसले होते त्यांच्या सोबत शरद पवार हेही या बैठकीत उपस्थित होते त्यामुळे काल शरद पवार यांची त्यांचा पुतण्या अजित पवार यांच्यासोबत एकत्रित बैठकीत सहभाग घेतला. आता अजित पवार यांच्या पत्नी सुनेत्रा पवार यांनी त्यांचा पुतण्या युगेंद्र पवार यांच्यासोबत शरद पवार सहभागी झालेल्या बैठकतीत उपस्थिती दर्शवली. त्यामुळे पवार कुटुंबियांच्या चर्चेला उधाण आले आहे.रोहित पवार यांनी उद्धव ठाकरे आणि राज ठाकरे यांनी मनोमिलनाच्या केलेल्या इशाऱ्यावर एक्स पोस्ट टाकली होती. ती पोस्टही चर्चेचा विषय ठरत आहे.

रोहित पवार यांची X पोस्ट

रोहित पवार यांनी आपल्या अधिकृत एक्स अकाउंटवर लिहिले होते, मराठी अस्मितेला नख लावब पाहणाऱ्या महाराष्ट्रद्रोही शक्तीच्या विरोधात ठाकरे कुटुंबच एकत्र येत असेल तर मराठी मनासाठी सुवर्णक्षण असेल. केवळ ठाकरे कुटुंबानेच नाही तर सर्वच कुटुंबानी महाराष्ट्रधर्म जपण्यासाठी एकत्र यायला हवं आणि यातच महाराष्ट्राचं हीत आहे.

या पोस्टनंतर सोमवारी शरद पवार आणि अजित पवार हे एकत्रित बैठकीत सहभागी झाले. तर आज शरद पवार सुनेत्रा पवार आणि युगेंद्र पवार यांनी एकाच बैठकीत सहभाग घेतला. त्यामुळे हळुहळु पवार कुटुंबीय एकत्र येत असल्याचे संकेत आहेत. राजकीयदृष्ट्या अजित पवार आणि शरद पवारांच्या भूमिका वेगळ्या आहेत. या भेटी जुन्या समीकरणांना नव्याने स्वीकारण्याची चाहूल नाही ना हे पाहण महत्त्वाचे ठरेल.