मला अनेक लोकांनी प्रश्न विचारले की तुम्ही काँग्रेस का सोडली? गेली अनेक वर्षांपासून तुमच्या वडिलांनी काँग्रेस रुजवली. पण खरं सांगायचं झालं तर ही वेळ काँग्रेसने आणली. पाच-सात या परिस्थितीचा विचार करत आहे. विधीमंडळामध्ये अनेक भाजप नेते मला वारंवार सांगायचे संग्राम निर्णय घ्या. किती दिवस तुझ्यावर अन्याय होतोय. पण मी एक विचाराला बांधलेला कार्यकर्ता असल्यामुळे या विचारापर्यंत पोहोचत नव्हतो. आता झालेल्या विधानसभा निवडणुकीमध्ये पराभवाला सामोरं जावं लागलं. तेच लोकसभा निवडणुकीमध्ये महाविकास आघाडीचा धर्म पाळला. परंतु खंत एवढीच आहे की निष्ठा राखून पक्षाचं काम केलं पण निष्टेच फळ मिळालं नाही. संघर्षाच्या भूमिकेतून सहकारी संस्था, स्थानिक स्वराज्य संस्था, जिल्हा परिषद, नगरपालिका असतील तिथे एकहाती सत्ता मिळवण्याचा प्रयत्न केला. पक्षाची ताकद मिळो ना मिळो काँग्रेस पक्ष वाढवण्याचं प्रामाणिक काम केल्याचं संग्राम थोपटे म्हणाले.
Sangram Thopate : पुणे जिल्ह्यात काँग्रेसला सर्वात मोठा धक्का, संग्राम थोपटेंकडून राजीनामा, पुढचा प्लॅन काय?
निवडणूक झाल्यापासून कार्यकर्ते येऊन सांगायचे दादा आपल्यााला काही निर्णय घ्यावा लागणार आहे. मी त्यांना शांत करायचो पण माझ्याही डोक्यावरून पाणी चाललं होतं. मी राजकारणात नव्हतो तेव्हापासून फडणवीसांसोबत संबंध आहेत. फडणवीसांनी वेळोवेळी काम केलं आहे, शब्द दिल्यावर कधीही पडू न देणारं नेतृत्त्व आहे. हा मावळा स्वाभिमानी आहे, अनेक वेळा खच्चीकरण करण्याचं काम केलं गेलं, आम्ही कधी स्वाभिमान घाण ठेवत नाही. महाराजांच्या पदस्पर्शाने पावन झालेला आमचा परिसर आहे. मला काही मिळावं म्हणून मी इथे आलेले नाही, माझ्या मतदारसंघातील जनतेचे प्रश्न सोडवण्यासाठी भाजपने प्राधान्य द्यावं अशीा आग्रहाची विनंती मी करतो, असं संग्राम थोपटे यांनी म्हटलं आहे.

दरम्यान, मुख्यमंत्री देवेंद्र फडणवीस या पक्षप्रवेशावेळी हजर राहू शकले नाहीत. मात्र पुढील महिन्यात थोपटेंच्या मतदारसंघात मुख्यमंत्री मोठा मेळावा घेणार असल्याचं बावनकुळेंनी सांगितलं आहे. पक्षप्रवेशावेळी मंत्री चंद्रशेखर बावनकुळे, रविंद्र चव्हाण, मंत्री राधाकृष्ण विखे पाटील, मंत्री जयकुमार गोरे, आमदार राहुल कुल उपस्थित होते.