सायबर गुन्हेगारांनी पैसे परत करण्याचे आश्वासन देत ज्येष्ठाकडून ३६ हजार रुपये उकळले असून याप्रकरणी बदलापूर पोलिस ठाण्यात गुन्हा दाखल झाला आहे. बदलापूर येथे राहणारे ६० वर्षांचे ज्येष्ठ नागरिक ठाण्यातील एका खासगी कंपनीत काम करतात. ई-कॉमर्स कंपनीच्या संकेतस्थळावर कारचे सीटकव्हर एकावर एक फ्री असल्याने त्यांनी एक हजार रुपये ऑनलाइन पैसे देऊन हे सीट कव्हर मागवले. प्रत्यक्षात त्यांना दोन ऐवजी एकच सीटकव्हर मिळाले. ज्येष्ठाने गुगलवर सर्च करून संबधित ई-कॉमर्स कंपनीचा ग्राहक संपर्क नंबर मिळवला.
मुंबई २६/११ हल्ल्यात काँग्रेस, राष्ट्रवादीचा हात; भाजपचे माधव भांडारींचा खळबळजनक दावा
या नंबरवर संपर्क साधत केवळ एकच सीटकव्हर दिल्याची त्यांनी तक्रार केली. त्यावेळी समोरच्या व्यक्तीने पैसे परत करण्याचे खोटे आश्वासन देत ज्येष्ठाला फोन सुरू ठेवण्यास सांगितले. नंतर त्या व्यक्तीने बोलण्यात गुंतवून त्यांच्याकडून ३६ हजार रुपये ऑनलाइद्वारे काढून घेतले. पैसे गेल्याचे कळताच ज्येष्ठाने त्या व्यक्तीकडे पैशाची मागणी केली. मात्र, त्याने फोन बंद केला. ज्येष्ठाच्या तक्रारीनंतर आरोपीविरुद्ध गुन्हा दाखल झाला आहे. पोलिसांकडून आरोपीचा शोध घेण्यात येत आहे.
Sanjay Nirupam: दोन शून्य एकत्र केले तरी बेरीज शून्यच; संजय निरुपम यांची ठाकरे बंधूंच्या मनोमिलन चर्चेवर सडकून टीका
कैऱ्या तोडण्यावरून वादात चाकूहल्ला
कल्याण: पश्चिमेकडील जोशी बाग परिसरात कैऱ्या तोडण्यास गेलेल्या मुलांचा दुसऱ्या मुलांच्या टोळक्याशी वाद झाला. या वादातून संतापलेल्या एका गटाने भररस्त्यात दुसऱ्या गटातील मुलाच्या वडिलांवर चाकूने हल्ला केला. रायसिंग खुशवाह असे त्यांचे नाव आहे. जोशीबाग परिसरात राहणारे खुशवाह पाणीपुरीचा व्यवसाय करतात. त्यांचा लहान मुलगा शनिवारी काही मित्रांसोबत कैऱ्या तोडण्यासाठी गेला होता. यावेळी त्याचा दुसऱ्या गटातील काही मुलांशी वाद झाला.
या वादानंतर संतापलेले तरुण खुशवाह यांच्या पाणीपुरीच्या हातगाडीजवळ आले. त्यांनी खुशवाह यांच्याकडे त्यांच्या मुलाची तक्रार करत त्यांना मारहाण करण्यास सुरुवात केली. त्यातील एकाने चाकूने त्यांच्यावर हल्ला केला. या हल्ल्यात खुशवाह जखमी झाले असून त्यांच्यावर खासगी रुग्णालयात उपचार सुरू आहेत. याप्रकरणी महात्मा फुले पोलिसांनी तपास सुरू केला असून हल्ला करणारे आरोपी अल्पवयीन असल्याचे समजते.