Jalgaon Leopard Attacks Girl : शरीराचे लचके तोडलेल्या अवस्थेतील बालिकेचा छिन्नविछिन्न मृतदेह आढळून आला. मृतदेह पाहून रुपनर कुटुंबाने हृदय हेलावून टाकणारा आक्रोश केला.
धुळे जिल्ह्यातील आरवी (ता. शिंदखेडा) येथील रुपनर हे मेंढपाळ कुटुंब मेंढ्या चारण्यासाठी यावल तालुक्यात आले आहे. डांभुर्णी शेत शिवारात असलेल्या प्रभाकर चौधरी यांच्या शेतात मेंढपाळ कुटुंब काही दिवसांपासून वास्तव्यास आहे. दिवसभर परिसरातील वनक्षेत्रासह मोकळ्या माळरानावर मेंढ्या चारल्यानंतर कुटुंब मोकळ्या जागेवर टाकलेल्या तात्पुरत्या पालामध्ये बुधवारी रात्री झोपले होते.
आईच्या कुशीतून झोपलेल्या बालिकेला उचलून नेले
मध्यरात्री शेजारील केळीच्या दबा धरून बसलेल्या बिबट्याने झडप घालून आईच्या कुशीत झोपलेल्या रत्ना नावाच्या दोन वर्षाच्या बालिकेला उचलून नेले. गाढ झोपेत असलेली रत्नाची आई जिजाबाई रूपनर मुलीचा आवाज ऐकून जागी झाली. तिने आरडाओरड करीत बिबट्याचा पाठलाग करण्याचा प्रयत्न केला. मात्र, बिबट्या बालिकेला घेऊन अंधारात पसार झाला. कुटुंबासह मेंढपाळांनी व परिसरातील ग्रामस्थांनी लागलीच आजुबाजुच्या केळी बागांमध्ये बालिकेचा शोध घेणे सुरु केले. काही अंतरावरच त्यांना शरीराचे लचके तोडलेल्या अवस्थेतील बालिकेचा छिन्नविछिन्न मृतदेह आढळून आला. मृतदेह पाहून रुपनर कुटुंबाने हृदय हेलावून टाकणारा आक्रोश केला.
Premanand Maharaj : मी समलिंगी, 150 पुरुषांसोबत शरीरसंबंध, पण… भक्ताचा प्रश्न, प्रेमानंद महाराज म्हणाले स्त्री-पुरुष फक्त…
वनविभागाची धाव ; आमदारांच्या सूचना
बिबट्याच्या हल्ल्याची माहिती मिळताच वन विभागाचे अधिकारी विपूल पाटील, सुनील भिलावे यांनी घटनास्थळी भेट देऊन पाहणी केली. पोलिस निरीक्षक प्रदीप ठाकूर यांनी पंचनामा करून बालिकेचा मृतदेह उत्तरीय तपासणीसाठी ग्रामीण रुग्णालयात रवाना केला. दरम्यान, आमदार चंद्रकांत सोनवणे यांनी वन विभागाला पुढील कार्यवाही तसेच बिबट्याला जेरबंद करण्यासाठी त्वरीत कार्यवाही करण्याचे निर्देश दिले. त्यानुसार घटनास्थळी पिंजरा व ट्रॅप कॅमरे लावण्याचे काम वन विभागाकडून सुरु करण्यात आले.
Pune Crime : माझ्याशी लग्न कर, नाहीतर तुझे फोटो व्हायरल करेन आणि घरासमोर… पुण्यात शेजाऱ्याची 19 वर्षीय तरुणीला धमकी
वनविभागाच्या अपयशामुळे शेतीचे कामे रखडणार
यावल तालुक्यातील किनगाव शिवारात आईचा हात धरुन चालणाऱ्या बालकावर हल्ला करीत त्याचा बळी बिबट्याने घेतला. त्या बिबट्याला पकडण्याची परवानगी मिळाली आहे. दिड महिन्यापासून बाहेरच्या जिल्ह्यातील पथकांची मदत घेवून त्याला पकडण्यात वनविभागाला अपयश आले आहे. आता तालुक्यात दुसऱ्या घटनेत दोन बालिकेचा मृत्यू झाला. सध्या खरिपाच्या हंगामी तयारी सुरु असतांना बिबट्याच्या भीतीमुळे शेतीची कामे रखडत असल्याने संताप व्यक्त होत आहे.
खान्देशातील चौथा तर यावल तालुक्यात दुसरा बळी
-दि. ६ मार्च २०२५ -किनगाव-साकळी (ता. यावल) आईचा हात धरुन जाणाऱ्या केशा प्रेमा बारेला या बालकाचा बिबट्याचा हल्ल्यात मृत्यू.
-दि. १५ मार्च- नंदुरबार गणेश बुधावल शिवारात (ता. तळोदा) लिताबाई अशोक पाडवी यांचा बिबट्याचा हल्यात मृत्यू.
– दि. १६ मार्च -नंदुरबार सरदार नगर (ता. तळोदा) दहा वर्षीय बालिका दीपमाला नर्सिंग तडवी हीचा बिबट्याचा हलल्यात मृत्यू.
-दि.१७ एप्रिल-डांभूर्णी (ता. यावल) आईच्या कुशीत झोपलेल्या रत्नाबाई सतीश रुपनर या दोन वर्षीय बालिकेचा बिबट्याच्या हल्यात मृत्यू.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा