भाषण सुरु असताना ठाकरेंनी मोबाईल काढला. भाजपच्या बूथ व्यवस्थापनाबद्दलचा इत्यंभूत तपशील ठाकरेंनी सांगितला. ही माहिती मला भाजपमधील व्यक्तीनंच दिल्याचं ठाकरे म्हणाले. निवडणूक काळात भाजपची यंत्रणा कशी काम करते, या यंत्रणेची उभारणी कशी करायला हवी, याबद्दल उद्धव ठाकरे सविस्तर बोलले.

एक गोष्ट तुम्हाला सांगाविशी वाटते. मी मुद्दाम त्याचा फोटो काढून आणलाय, असं म्हणत उद्धव ठाकरेंनी नाशिकच्या सभेत त्यांचा मोबाईल काढला. ‘माझ्याकडे भारतीय जनता पार्टी, महाराष्ट्र, बूथ समिती गठन तपशील आहे. ही माहिती मुंबईची आहे. आपलीसुद्धा लोक असतात हो इकडेतिकडे. असं काही नाही की त्यांचेच लोक आपल्याकडे असतात. त्यांच्याकडे काय चाललंय ते मला रोज कळत असतं,’ असं म्हणत ठाकरेंनी भाजपच्या ‘आतील माहिती’ सांगितली.
Aditya Thackeray: आदित्य ठाकरेंचं स्वागत सुरु असताना मोठ्ठा आवाज, सगळेच हलले; ‘निर्धार शिबिरा’त काय घडले?
‘भाजपनं संघटनात्मक पातळीवर बांधणी कशी केलीय ते मुद्दामहून सांगतो. माझ्याकडे विभागवार सगळी माहिती आहे. पण ते सांगणार नाही. ते सांगितलं तर माहिती कोणी पाठवलीय ते कळू शकेल. पण ही माहिती मुंबईची आहे. यात पद आणि जबाबदाऱ्या दिलेल्या आहेत. पहिला उल्लेख बूथ अध्यक्षाचा आहे. त्यापुढे त्या माणसाचं नाव, मोबाईल नंबर. मग बूथ सरचिटणीस, त्या व्यक्तीचं पूर्ण नाव, मोबाईल नंबर. मग सदस्य, लाभार्थी प्रमुख. म्हणजे मला काही कळलं नाही. कसला लाभ ते काही समजलं नाही. त्याचंसुद्धा नाव, मोबाईल नंबर. मग १० सदस्यांची नावं त्यांनी दिलेली आहेत. प्रत्येकाचं पूर्ण नाव आणि मोबाईल नंबर. अशी तयारी आपण केली पाहिजे. पुढे सूचना दिलेली आहे की १२ सदस्यांमध्ये किमान ३ महिला प्रतिनिधी असाव्यात. किमान १ एससी आणि एसटी प्रतिनिधी असावा. ही त्यांची मांडणी आहे आणि या मांडणीनं ते पुढे चाललेत, अशा शब्दांत ठाकरेंनी भाजपच्या यंत्रणेबद्दल सविस्तर सांगितलं.
सोबत लढणार, पण सरकार स्थापन करणार नाही! भाजपच्या नव्या मित्राची वेगळीच भूमिका; युती मोडणार?
‘ईव्हीएमचा घोटाळा जरुर आहे. योजनांचं गारुड नक्की आहे. पण त्याच बरोबरीनं बूथ व्यवस्थापन महत्त्वाचं आहे. तुमच्याकडे एकही बोगस मतदान झालेलं नाही हे तुम्ही खात्रीनं सांगू शकता का? पण जर का आपले बूथप्रमुख आणि पोलिंग एजंट, त्यांना आपण प्रशिक्षण दिलं तर हे शक्य आहे. बूथप्रमुख एवढ्यासाठी पाहिजे की तो यादीतील प्रत्येकाला नावानिशी, चेहऱ्यासकट ओळखेल आणि त्या टीममधला माझा जर एक पोलिंग एजंट असेल तर त्याला कळलं पाहिजे की मतदानाला आलेला माणूस हा त्या मतदारयादीतला आहे आणि त्याचं नाव, चेहरा जुळतोय. कार्ड बोगस मिळू शकतं. चेहरा बोगस मिळू शकत नाही. इतक्या पातळीपर्यंत हे लोक गेलेले आहेत. आपल्यालासुद्धा त्याच पातळीपर्यंत जावं लागेल,’ अशी गरज ठाकरेंनी बोलून दाखवली.