पोलिसांच्या माहितीनुसार, नाशिकच्या बोधले नगर परिसरात ही घटना घडली आहे. या परिसरातून सिटी लिंकची बस रस्त्यात अचानक बंद पडली. यामुळे प्रवाशांनी दुसऱ्या बसने जाण्याचे ठरवले. रस्त्याच्या कडेला प्रवासी बसची वाट पाहत होते. त्यावेळी तिथे तो रिक्षाचालक आला आणि त्यांनी प्रवाशांना कुठे जायचे ते विचारु लागला. त्यातील तक्रारदार महिलेलाही त्याने विचारले तुमको किधर जाना है, पण तिने त्याला नकार दिला. ती पुन्हा बसची वाट पाहत उभी होती, पण तो रिक्षाचालका तिला सारखा विचारु लागला किधर जाना है, असे म्हणताना त्याने अश्लील इशारे देखील केले.
Pune Budhvar Peth : पुण्यातील बुधवार पेठेतून ती थेट पोलिस स्टेशनला गेली, अल्पवयीन मुलीने सांगितलेल्या गोष्टीने पोलिसही हादरले
यानंतर महिला भयभीत झाली होती. काही वेळात सिटीलिंकची बस तेथे आली आणि प्रवासी त्या बसमध्ये बसले. बस द्वारकेच्या दिशेने निघाली, पण त्या रिक्षाचालक त्या बसचा पाठलाग करु लागला. बस द्वारका सर्कल येथे आली असता रिक्षाचालक आणि त्याच्या मित्राने रिक्षा बसला आडवी लावली. यानंतर त्याने मर्यादा ओलांडली आणि रिक्षाचालक कपडे काढून नग्न झाला. एवढ्यावरच न थांबता त्याने त्याने सिटीलिंक बस चालक आणि वाहकाला देखील मारहाण केली. तसेच बसवर दगड फेकत तोडफोड देखील केली.

भयभीत झालेल्या प्रवाशांनी पोलिसांना फोन केला. काही वेळातच पोलीस घटनास्थळी दाखल झाले आणि संशयित आरोपींना ताब्यात घेतले. संशयित रिक्षाचालक मिजान रजा ऊर्फ मल्ला सादिक शेख हा भद्रकाली, जुने नाशिक या परिसरात राहणारा आहे. यापूर्वी त्याच्यावर एक दरोड्याचा गुन्हा दाखल आहे. १६ ऑगस्टला झालेल्या दंगलीतील तो आरोपी आहे. त्याला शहरातून तडीपार करण्यात आले असल्याची माहितीही पोलिसांनी दिली. आरोपीची रिक्षा पोलिसांनी जप्त केली आहे.