Parbhani News : परभणी जिल्ह्यातील पोखरणी पाथरी रोडवर मंगरूळ बुद्रुक शिवारात एका दुर्दैवी घटनेत शेख अल्ताफ शेख सलीम यांचा अपघाती मृत्यू झाला. दोन आठवड्यांपूर्वी त्यांना मुलगी झाली होती आणि ते तिला भेटण्यासाठी सासरवाडीला निघाले होते. अज्ञात वाहनाने त्यांच्या दुचाकीला धडक दिल्याने त्यांचा जागीच मृत्यू झाला. या घटनेमुळे परिसरात हळहळ व्यक्त होत आहे. वारंवार होणाऱ्या अपघातामुळे हा रस्ता मृत्यूचा सापळा बनला आहे.