Nashik News: या आंदोलनासाठी बसवलेल्या नाट्यप्रयोगातील प्रमुख कलावंताच्या आईचे निधन झाल्यानंतर कलावंतांनी एका रात्रीतून दुसरे पथनाट्य उभे करीत आंदोलन रद्द होऊ दिले नाही.
पंचवटीतील पं. विष्णू दिगंबर पलुस्कर नाट्यगृह खुले होत नसल्याच्या निषेधार्थ इंडियन पीपल्स थिएटर असोसिएशनच्या (इप्टा) वतीने सोमवारी सायंकाळी पाच वाजता ‘किस्सा पलुस्कर का’ हा छत्तीसगडी शैलीतील विशेष नाट्यप्रयोग सादर केला जाणार होता. पं. पलुस्कर नाट्यगृह परिसरात आयोजित या तीस ते चाळीस मिनिटांच्या नाट्यप्रयोगात नागेश धुर्वे व चेतन सुशीर यांच्या प्रमुख भूमिका होत्या. 
Nashik Crime: किरकोळ वादातून संसाराची राखरांगोळी! स्वत:ला पेटवून घेत पत्नी-सासूला मारली मिठी; पतीचा मृत्यू
पं. पलुस्कर नाट्यगृहाचे नूतनीकरण मार्च २०२२ मध्ये पूर्ण होऊनही ते अद्याप नागरिकांसाठी खुले झालेले नाही. त्याविरोधात या नाट्यप्रयोगातून आवाज उठवला जाणार होता. त्यासाठी ‘नाचा गंमत’ या छत्तीसगडी लोकनाट्य प्रकाराचा आधार घेण्यात आला होता. मात्र, दुर्दैवाने त्यातील प्रमुख कलावंत नागेश धुर्वे यांच्या आईचे सोलापूर जिल्ह्यातील सांगोला येथे अचानक निधन झाले. त्यामुळे धुर्वे यांना तिकडे जावे लागले. परिणामी, सोमवारचा नाट्यप्रयोग रद्द करण्याची वेळ आली. मात्र रविवारी दुपारी ‘इप्टा’च्या कलावंतांनी एकत्र येत हे आंदोलन रद्द न होऊ देण्याचा निर्धार केला. 
नर्सिंग कोर्सच्या विद्यार्थ्यांची मोठी फसवणूक; लाखोंची फी आकारुन निकाल न देताच संस्था बंद, ठाण्यातील प्रकार
पेपरनंतर लगेच आंदोलन…
एवढ्या कमी वेळेत दुसरा नाट्यप्रयोग उभा करणे शक्य नव्हते. त्यामुळे ‘किस्सा पलुस्कर का’ याच नावाचे पथनाट्य सादर करण्याचा निर्णय घेण्यात आला. सध्या पदवी अभ्यासक्रमाच्या द्वितीय, तृतीय वर्षाच्या वार्षिक परीक्षा सुरू आहेत. सोमवारी अनेकांची परीक्षा असूनही ते या पथनाट्यात काम करण्यासाठी तयार झाले. रविवारी दुपारनंतर लेखन, दिग्दर्शन करून मध्यरात्रीपर्यंत तालमी करण्यात आल्या. सोमवारी दुपारी पेपर देऊन हे विद्यार्थी ‘पलुस्कर’च्या आवारात हजर झाले व ठरल्याप्रमाणे दहा मिनिटांचे पथनाट्य व त्यानंतर निषेध आंदोलन पार पडले. या पथनाट्यातून पलुस्कर नाट्यगृहाचा प्रवास उलगडण्यात आला व ते तातडीने खुले करण्याची मागणी करण्यात आली. 
मोठ्या शहरात अशा घटना घडतातच! कर्नाटकच्या गृहमंत्र्यांचे महिला विनयभंग प्रकरणावर वादग्रस्त विधान
ओम हिरे, प्रणव काथवटे, मानसी कावळे, दिनेश शिंदे, गौरी तिडके व हितेश महाले यांनी पथनाट्यात सहभाग घेतला. या कलावंतांना प्राजक्ता कापडणे, समाधान मुर्तडक, मुकुंद दीक्षित, सई अहिरे यांनी मनोगतातून पाठिंबा दिला. मुक्ता कावळे, संकेत सीमा विश्वास, मुकेश काळे, तन्मय देवरे, कृष्णा कांगणे, विराज देवांग, साक्षी काकडे आदींनी त्यांचा उत्साह वाढवला.
ऐनवेळी घटना घडल्याने प्रयोग रह करणार होतोः पण कलावंतांनी पुढे येऊन इच्छाशक्ती दर्शवल्याने पथनाट्य बसवण्यात आले. ‘पलुस्कर’च्या मुद्द्यावर आंदोलन सुरूच राहील. – तल्हा शेख, अध्यक्ष, इप्टा
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा