दीनानाथ रुग्णालयाने उपचार करण्यास नकार दिल्यानंतर तीन तासांनी तनिषा यांना पिंपरी चिंचवडच्या वाकड इथल्या सूर्या रुग्णालयात नेण्यात आलं. तिथे त्यांनी दोन जुळ्या मुलींना जन्म दिला. पण, त्यांचा चेहरा पाहण्यापूर्वीच तनिषा या जगातून कायमच्या निघून गेल्या.
Pune News: तुमची ऐपत नसेल तर ससूनमध्ये जा; वहिनीचं बीपी वाढलं अन्… दीनानाथमध्ये नेमकं काय घडलं?
या जुळ्या मुलींचा सातव्या महिन्यातच जन्म झाला. यापैकी एका मुलीचं वजन एक किलो १२२ ग्राम तर दुसऱ्या मुलीचं वजन ६४० ग्राम इतकं आहे. सुरुवातीला एका मुलीला व्हेंटिलेटरवर ठेवण्यात आलं होतं. आता तिला व्हेंटिलेटरवरुन काढण्यात आलं आहे. सध्या दोन्ही मुलींची प्रकृती स्थिर असून त्यांच्यावर उपचार सुरु आहेत.

आठ वर्षांनी होणार होते आई-बाबा

सुशांत भिसे हे भाजप आमदार अमित गोरखे यांचे स्वीय सहाय्यक आहेत. आठ वर्षांपूर्वी मित्र-मैत्रिणींच्या माध्यमातून सुशांत आणि तनिषा यांची ओळख झाली होती. त्यानंतर ते प्रेमात पडले आणि त्यांनी लग्न केलं. तनिषा या शिक्षिका म्हणून काम करत होत्या. मात्र, लग्नानंतर त्यांनी काम सोडलं. यादरम्यान सुशांत यांनी प्रशासकिय विभागात नोकरी लागली. त्यांचा सुखाचा संसार सुरु असताना आठ वर्षांनी त्यांच्या आयुष्यात आई-बाबा होण्याचं सुख आलं होतं. आठ वर्षांनी त्यांच्या घरात पाळणा हलणार होता.

सुशांत भिसे हे सामर्थ्य प्रबोधिनी या सामाजिक संस्थेचे संस्थापक आणि अध्यक्ष आहेत.त्यांनी आजवर अनेक गरजूंना मदत केली. आरोग्यदूत अशी त्यांची ओळख आहे. त्यांना आरोग्य दूत पुरस्काराने सन्मानित करण्यात आलं होत. पण, दीनानाथ मंगेशकर रुग्णालयाच्या पैशांच्या हव्यासापुढे ते काही करु शकले नाही.