जळगावात ठाकरे गटाचे जिल्हाप्रमुख म्हणून कुलभूषण पाटील यांनी नियुक्ती करण्यात आली. मात्र, पक्षाच्याच उमेदवारासमोर बंडखोरी करून निवडणूक लढविणाऱ्या पाटील यांच्या नियुक्तीमुळे ठाकरे गटातील गटबाजी उफाळली आहे. यात संजय सावंत यांच्यावर अनेक जुन्या पदाधिकाऱ्यांनी पक्षपातीपणाचे आरोप केले. बैठकीत संपर्कप्रमुख संजय सावंत, जिल्हाप्रमुख कुलभूषण पाटील, जिल्हा संघटक करण पवार, पीयूष गांधी, नीलेश चौधरी यांच्यासह इतर पदाधिकारी उपस्थित होते.

आगामी निवडणुकांवर चर्चेऐवजी वादालाच फोडणी

बैठकीत आगामी स्थानिक स्वराज्य संस्थेच्या निवडणुकीच्या तयारीबाबत चर्चा होणार होती. मात्र, या बैठकीत उद्धव ठाकरे यांच्यासमोर संघटनात्मक वादाच्या तक्रारीची चर्चा झाली. संपर्कप्रमुख संजय सावंत यांच्या कार्यपद्धतीबाबत काही पदाधिकाऱ्यांनी थेट उद्धव ठाकरे यांच्याकडे व्हॉट्सॲपवरून तक्रारी केल्या होत्या.
Raj Thackeray : गंगाजल शुद्धच, पण विचारांचं काय? शिवसेना भवनासमोर बॅनर; समाधान सरवणकरांची राज ठाकरेंना टशन

वक्फ बिलावरुन फडणवीसांचे ठाकरेंना चिमटे

दुसरीकडे, शिवसेनाप्रमुख बाळासाहेब ठाकरे यांच्या विचारांचा अंश त्यांच्यामध्ये बाकी असेल तर ते विधेयकाला विरोध करणार नाहीत, असा टोला मुख्यमंत्री देवेंद्र फडणवीस यांनी बुधवारी शिवसेना (उद्धव बाळासाहेब ठाकरे) पक्षाचे नाव न घेता लगावला. संसदेत सादर झालेल्या वक्फ सुधारणा विधेयकाला ते समर्थन देतील, अशी अपेक्षाही त्यांनी व्यक्त केली.
Raj Thackeray : मनसेची सत्ता यावी, शिर्डीच्या तरुणाची कोल्हापूर ते शिवतीर्थ पदयात्रा, राज ठाकरेंसमोर लोटांगण
लोकसभेत बुधवारी वादग्रस्त वक्फ सुधारणा विधेयक मांडण्यात आले. ‘वक्फ सुधारणा विधेयक हे कोणत्याही धर्माच्या विरोधात नाही. कोणाच्याही आस्थेला ठेच पोहचविणारे नाही. तर, भारतीय संविधानाच्या प्रास्ताविकेतील धर्मनिरपेक्षता या सुधारणा विधेयकातून प्रतिबिंबित होत आहे. अतिशय प्रागतिक आणि पुरोगामी पाऊल या निमित्ताने टाकण्यात आले आहे. त्यामुळे ज्यांची सद्सद्विवेकबुद्धी जिवंत आहे अशी प्रत्येक व्यक्ती या सुधारणा विधेयकाला पाठिंबा दर्शवेल,’ असे देवेंद्र फडणवीस म्हणाले.