मराठीच्या मुद्द्यावरून लोणावळ्यातील बँकेत जोरदार राडा झाला. राज ठाकरेंनी गुढीपाडवा मेळाव्यात दिलेल्या आदेशानंतर मनसैनिक कामाला लागलेत. लोणावळ्यातील बँक ऑफ महाराष्ट्रच्या शाखेत मनसैनिक आक्रमक झाले होते. मनसैनिकांनी बँक मॅनेजरला मराठीत व्यवहार करण्याबाबत निवेदन दिले. मात्र बँक मॅनेजर आणि एका कर्मचाऱ्याने मराठीऐवजी हिंदीतच बोलण्याचा आग्रह धरला. यावरून संतप्त मनसैनिकांनी मराठी आलीच पाहिजे म्हणत इशारा दिला. यावेळी मध्यस्थी करणाऱ्या एका कर्मचाऱ्याला कानशिलात लगावण्यात आली.