Surendra Patil: डोंबिवली येथील प्रसिद्ध रील स्टार सुरेंद्र पाटील याच्यावर अत्याचाराचा आरोप करण्यात आला आहे. एका तरुणीने सुरेंद्र पाटीलवर अत्याचारा आरोप केला आहे.
एअरहोस्टेसची नोकरी मिळवून देण्याचं आमिष
पुण्यातील या तरुणीला मुंबई विमानतळावर एअरहोस्टेसची नोकरी मिळवून देण्याचं त्याने सांगितलं होतं. त्यानंतर त्याने या तरुणीला बंदुकीचा धाक दाखवत तिच्यावर अत्याचार केल्याचा आरोप आहे. तसेच, ऑफिसमध्ये बोलावून तिच्यासोबत अश्लील कृत्य केल्याचाही आरोप पीडितेने केला आहे. याप्रकरणी मानपाडा पोलिसांत गुन्हा दाखल करण्यात आला आहे. गुन्हा दाखल होताच सुरेंद्र पाटील हा पसार झाला आहे. त्याचा शोध सुरु आहे.
बंदुकीच्या धाकावर तरुणीवर अत्याचार
पुण्यातील पीडितेने मानपाडा पोलिसांत दिलेल्या तक्रारीनुसार, सुरेंद्र पाटीलने तिला मुंबईतील विमानतळावर एअरहोस्टेसची नोकरी मिळवून देतो असं सांगितलं होतं. त्यासाठी त्याने तिला डोंबिवली येथील आपल्या ऑफिसमध्ये बोलावलं. मग तो तरुणीला एका खोलीत घेऊन गेला आणि तिथे तिला बंदुकीचा धाक दाखवत अत्याचार केला. याची वाच्यता कुठे केली तर आई-वडिलांना मारण्याची धमकीही दिली.
त्यानंतर काही दिवसांनी सुरेंद्र पाटीलने कागदपत्र देण्याच्या बहाण्याने पीडितेला पुन्हा ऑफिसमध्ये बोलावून तिच्यावर अत्याचाराचा प्रयत्न केला. मात्र, यावेळी तरुणीने विरोध केला. तेव्हा सुरेंद्रने तिच्यावर चोरीचा आळ घेत तिला नग्न करून झडती घेण्याच्या बहाण्याने तिच्याशी अश्लील कृत्य केलं, असाही आरोप या तरुणीने केला आहे.
पोलिसाच्या खुर्चित बसून रील
डोंबिवलीतील प्रसिद्ध असलेला सुरेंद्र पाटील हा त्याच्या एका रीलमुळे यापूर्वीही वादाच्या भोवऱ्यात सापडला होता. तेव्हा त्याने पोलीस ठाण्यात पोलिसाच्या खुर्चित बसून रील बनवली होती. तर, आता त्याच्यावर थेट अत्याचाराचा गुन्हा दाखल झाल्याने नागरिकांमध्ये संतापाची लाट उसळली आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा