पोलिसांनी दिलेल्या माहितीनुसार, माळेगाव पोलीस ठाण्याच्या कार्यक्षेत्रातील एका गावातील नववीत शिक्षण घेणाऱ्या एका अल्पवयीन मुलीचा फोटोचा वापर करून तिची बदनामी होईल, असे जाणीवपूर्वक अश्लील मजकूर लिहून इन्स्टाग्रामवर स्टोरी ठेवल्याचा धक्कादायक प्रकार हा घडलाय. या घटनेने मोठी खळबळ निर्माण झाल्याचे बघायला मिळतंय.

सदरची माहिती पीडित मुलीच्या कुटुंबियांना मिळताच पोलीस ठाण्यात तक्रार दाखल करण्यात आली. त्या अनुषंगाने पोलिसांनी गुन्ह्यात वापरलेले इंस्टाग्राम खाते व त्याचा अज्ञात वापर करणाऱ्याचा शोध घेण्यासाठी माळेगाव पोलिसांनी इंस्टाग्राम, फेसबुक हे समाजमाध्यम चालविणाऱ्या ‘मेटा’ प्लॅटफॉर्म या अमेरिकेतील जागतिक कंपनीच्या कार्यालयाकडे सदर गुन्ह्यातील इंस्टाग्राम खात्यासंबंधी माहिती मिळवण्यासाठी पत्रव्यवहार केला.
ईडीची मुंबईतील प्रसिद्ध बिल्डरवर मोठी कारवाई; तब्बल ४४ कोटींच्या मालमत्तेवर टाच, नेमकं प्रकरण काय?इंस्टाग्राम खात्यासंबंधित माहिती घेऊन तांत्रिक विश्लेषणाच्या आधारावरून पवन राजेंद्र क्षीरसागर (वय २१, रा. ढाकाळे ता. बारामती जि. पुणे ) हा आरोपी असल्याचे निष्पन्न झाले. त्याच्याकडे अधिक चौकशी केली असता त्याने गुन्ह्याची कबुली दिली. पोलिसांनी पवन क्षीरसागर या आरोपीस अटक केले असून, गुन्ह्यात वापरलेला मोबाईल देखील जप्त करण्यात आला आहे. पोलिसांनी आरोपीला न्यायालयात हजर केले.

न्यायालयाकडून आरोपीला एक दिवसाची पोलीस कोठडी सुनावण्यात आली. पोलिसांकडून याप्रकरणी अधिक तपास हा केला जातोय. नववीत शिक्षण घेणाऱ्या मुलीचा फोटो आणि अश्लील मजकूर याने इन्स्टाग्रामवर का टाकला याचा शोध घेतला जातोय. मागील काही वर्षांपासून सायबर क्राईमच्या घटनांमध्ये मोठी वाढ झालीये. फेक खाते तयार करून फोटो शेअर करत बदनामी करण्याच्या घटनांमध्ये मोठी वाढ झालीये.