मुंबईतील सांताक्रूझ परिसरात राहणारी साक्षी (बदललेले नाव) हिची गेल्या वर्षी एका तरुणाशी ओळख झाली. ओळखीतून मैत्री आणि मैत्रीचे रूपांतर प्रेमात झाले. सुरुवातीला त्याचे वागणे ठीक होते, मात्र काही दिवसांनी तो तिला टाळू लागला. भेटायला गेल्यावर तो नीट वागत नसल्याने त्याचे दुसऱ्या मुलीवर प्रेम असल्याचा साक्षीला संशय होता.

मनात वेगवेगळे विचार घुटमळत असताना काही दिवसांपूर्वी साक्षीने इन्स्टाग्रामवर एक स्टोरी पाहिली. २५१ रुपये भरून करिअर आणि रिलेशनशिपची माहिती जाणून घ्या, असे यात नमूद करण्यात आले होते. या जाहिरातीनुसार तिने २५१ रुपये भरून नोंदणी केली. त्यानंतर तरुणीने त्या दोघांचे फोटो आणि नावे पाठवली.
Buldhana Crime : बायको फोन लावतेय, पण उत्तर नाही! पोलिस गाडीत मृतावस्थेत, अनैतिक संबंधातून संपवल्याचा संशय
पैसे आणि माहिती पाठवल्यानंतर एका व्यक्तीचा साक्षीला फोन आला. तुमच्या प्रियकरावर कुणीतरी काळी जादू केली आहे. या काळ्या जादूच्या प्रभावामुळे तो तुमच्या सोबत राहण्यास तयार होत नाही आणि नीट वागतही नाही, असे या व्यक्तीने सांगताच साक्षीने कोणतीही खातरजमा न करता त्याच्या बोलण्यावर विश्वास ठेवला. प्रियकरावर झालेली काळी जादू मेणबत्ती जाळून टाकतो, असा दावा या व्यक्तीने केला. मात्र त्यासाठी पैसे द्यावे लागतील, असे तिला सांगण्यात आले.
Delhi Murder : शीss हे काय करताय तिघं? नवऱ्याला मित्रांसोबत आक्षेपार्ह अवस्थेत पकडलं, विवाहितेचा जीव घेतला, बॉडी कोंबली बेडमध्ये
त्यानुसार तिने दिलेल्या बँक खात्यामध्ये पैसे पाठविले. ऑनलाइन पूजाविधीचे कारण सांगून त्याने वारंवार साक्षीकडून पैसे घेतले. सुमारे साडेतीन लाख खर्च करूनही तिच्या जीवनात काही बदल झाला नव्हता. याच दरम्यान तिचा प्रियकरासोबतचा संपर्क तुटला. त्याचा फोन येईल, त्यासाठी थोडे थांबावे लागेल. आणखी काही विधी करावे लागतील आणि त्यासाठी राजस्थानला यावे लागेल, असे या व्यक्तीने साक्षीला सांगितले.

सर्व काही संशयास्पद वाटल्याने अधिक माहिती काढली असता ही सर्व फसवणूक असल्याचे लक्षात आले आणि तिने वाकोला पोलिस ठाण्यात धाव घेतली. तिच्या तक्रारीवरून पोलिसांनी गुन्हा दाखल केला. तांत्रिक माहितीच्या आधारे फसविणाऱ्यांचा शोध घेतला जात असल्याचे पोलिसांनी सांगितले आहे.