श्रीयांश हा रुग्णाचे नातेवाइक असल्याचे भासवून परिसरातील विश्रामगृहात थांबून रात्री रुग्णाच्या नातेवाइकांसोबतच जेवायचा. संधी साधून वाहन चोरी करीत होता. एका आठवड्यात मेडिकलमधून दोन वाहने चोरी गेली. याप्रकरणी अजनी पोलिसांनी चोरीचा गुन्हा दाखल केला. वरिष्ठ पोलिस निरीक्षक नितीनचंद्र राजकुमार यांच्या मार्गदर्शनाखाली निरीक्षक लक्ष्मण केंद्रे, उपनिरीक्षक सिद्धांत मस्के, हेडकॉन्स्टेबल ओमकार बाराभाई, नितीन सोमकुवर, अश्विन सहारे, नरेश श्रावणकर, मनीष भलमे, कुणाल उके व हिमांशू पाटील यांनी परिसरातील सीसीटीव्हींची पाहणी केली. दोन्ही वाहने श्रीयांशने चोरी केल्याचे समोर आले.

पोलिसांनी चौकशी केली असता तो विश्रामगृहात रुग्णाचा नातेवाइक असल्याचे भासवून थांबत असल्याचेही तपासात समोर आले. पोलिसांनी विश्रामगृहात सापळा रचला. तो येताच पोलिसांनी श्रीयांशला अटक केली. पोलिसांनी त्याच्याकडून मेडिकलमधून चोरी केलेल्या पाच वाहनांसह सात दुचाकी वाहने जप्त केली. चोरीची वाहने गहाण ठेऊन मिळालेल्या पैशातून दारूचे व्यसन भागवित असल्याचे त्याने पोलिसांनी सांगितले. पोलिसांनी त्याची पोलिस कोठडी घेतली आहे. त्याच्याकडून वाहन चोरीचे आणखीही काही गुन्हे उघडकीस येण्याची शक्यता आहे.

बुलेट चोराला २४ तासात अटक
नागपूर लोहमार्ग पोलिसांनी दोन दिवसांपूर्वीच एका बुलेटचोराला नाशिकवरुन अटक केली होती. त्या चोराने नागपूरमधील रेल्वे स्थानकाच्या जवळ पार्क केलेल्या बुलेटची चोरी केली होती या चोराला बुलेटचे आकर्षण असल्याने त्याने पार्किंगमध्ये पार्क असलेल्या बुलेटची बनावट किल्ली बनवली आणि बुलेट चोरली होती. पोलिसांना चोरीबद्दल माहिती न मिळावी म्हणून त्याने बुलेट नागपूरहून नाशिकला नेली होती. मात्र पोलिसांनी तपास केला आणि अवघ्या चोविस तासात त्या चोराला बेड्या ठोकल्या होत्या.