मनसेचा गुढीपाडवा मेळावा आज दादरमधील शिवाजी मैदान अर्थात शिवतीर्थावर पार पडला. राज ठाकरेंनी आज विविध मुद्द्यांना स्पर्श केला. हिंदू धर्म, जातीभेद तसेच नद्यांचं प्रदुषण इत्यादी विषयांवर राज ठाकरेंनी भाष्य केलं. दरम्यान भाषण संपवून जात असताना राज ठाकरे एका तरुणाला घेऊन पुन्हा स्टेजवर आले. एका तरुण जो मेळाव्यासाठी पायी चालत आलाय, त्याला स्टेजवर बोलावून राज ठाकरेंनी कौतुक केलं.
