तेल वाहतूक करणारा टँकर उड्डाणपुलावरून खाली कोसळल्याने 30 हजार लिटर क्षमतेच्या या टँकरमधून तेलाची गळती सुरू झाली. त्यामुळे परिसरात रस्त्यावर सर्वत्र तेल पसरले. तेलाची गळती सुरू झाल्याने परिसरातील नागरिकांमध्ये भीतीचे वातावरण पसरले.

या घटनेची माहिती मिळताच पोलीस घटनास्थळी दाखल झाले. अपघातात टँकरचालक गंभीरित्या जखमी झाला. त्याला अपघातग्रस्त टँकरमधून बाहेर काढून उपचारासाठी खाजगी रुग्णालयात दाखल करण्यात आले. मात्र उपचारादरम्यान टँकर चालकाचा मृत्यू झाल्याची माहिती समोर आली आहे.
Myanmar Earthquake : 330 अणुबॉम्बच्या शक्तीएवढा भयानक भूकंप, 10,000 जणांच्या मृत्यूची भीती
टँकरमधून तेलाची गळती सुरू झाल्याने आणि परिसरात सर्वत्र तेल पसरल्याने खबरदारीची उपाययोजना म्हणून पोलिसांनी महत्त्वाचं पाऊल उचललं. पोलिसांनी परिसरात झालेले गर्दी बाजूला करत संपूर्ण परिसर निर्मनुष्य केलं. त्याचप्रमाणे उड्डाणपुलाखाली गुजरात मार्गीकेवरील वाहतूक देखील बंद करण्यात आली. टँकरमधील कच्चे तेल ज्वलनशील नसल्याने पोलिसांसह नागरिकांनी त्यानंतर सुटकेचा श्वास सोडला. दोन क्रेनच्या सहाय्याने अपघातग्रस्त टँकर रस्त्यावरून बाजूला सारून वाहतूक पूर्ववत करण्यात आली.