Four big companies invest Rs 1454 crore in Ch. Sambhajinagar : छत्रपती संभाजीनगरमध्ये ऑरिक सिटीमध्ये १४५४ कोटी रुपयांची गुंतवणूक होऊन चार मोठे उद्योग येणार आहेत. या गुंतवणुकीमुळे मराठवाड्यातील २५०० नागरिकांना रोजगार मिळण्याची शक्यता आहे. या कंपन्यांच्या गुंतवणुकीने शहराच्या विकासाला चालना मिळणार आहे.
छत्रपती संभाजीनगर ही मराठवाड्याची राजधानी आहे.या ठिकाणी रोजगाराच्या अपेक्षेने अनेक बेरोजगार रोज येत असतात. दिवसेंदिवस बेरोजगारीचा प्रमाण वाढत असल्यामुळे हा चिंतेचा विषय आहे. मात्र छत्रपती संभाजी नगर शहरासाठी आता आनंदाची बातमी आली आहे. ऑरिक सिटी मध्ये रिलायन्स कंपनीने नुकतीच 14 हजार कोटी रुपयांची गुंतवणुकीची घोषणा केली होती. या मोठ्या गुंतवणुकीच्या पाठोपाठ आता पुन्हा चार उद्योग छत्रपती संभाजी नगर मध्ये असलेल्या ऑरिक सिटीत येत आहेत. या चार उद्योगांच्या माध्यमातून १४५४ कोटींची गुंतवणूक होणार आहे. या मोठ्या गुंतवणुकीच्या माध्यमातून मराठवाड्यातील २५०० नागरिकांच्या हाताला रोजगार मिळणार आहे.
या आहेत चार कंपन्या….
कंपनी.. जागा.. गुंतवणूक..
टोयाटो टूशी- ३०एकर – ६०० कोट
नहार इंजिनिअरिंग – १५ एकर – ३७५कोटी
ऋचा इंजीनियरिंग – १५ एकर- ३५० कोटी
इंडो ऑटोटेक- ३० एकर – १३० कोटी
या प्रकरणी ऑरिक सिटीचे महाव्यवस्थापक महेश पाटील म्हणाले की, मराठवाड्यातील नागरिकांसाठी अत्यंत आनंदाची बातमी आहे. ऑरिक सिटी मध्ये तब्बल १४५४ कोटी रुपयांची गुंतवणूक होत आहे ज्यातून चार मोठे उद्योग उभे राहणार आहेत. चार कंपन्यांच्या माध्यमातून तब्बल २५०० नागरिकांना रोजगार मिळणार आहे. या कंपन्यांना जागा उपलब्ध करून देण्यात आली आहे.