PM Modi Nagpur Visit: रेशीमबागेतील स्मृती मंदिर, दीक्षाभूमी, माधव नेत्रालयाच्या इमारतीचे भूमिपूजन आणि सोलर डिफेन्स प्रकल्पाला भेट असा त्यांचा पाच तासांचा दौरा आहे.
राष्ट्रीय स्वयंसेवक संघाच्या शताब्दी वर्षात पंतप्रधान मोदी यांचा दौरा ऐतिहासिक मानला जात आहे. माधव नेत्रालयाच्या इमारतीचे भूमिपूजन त्यांच्या हस्ते होणार आहे. उपराजधानीत आमगनानंतर ते थेट रेशीमबागेत जातील. दीक्षाभूमीचे दर्शन घेतल्यानंतर हिंगणा रोडवरील कार्यक्रम आणि छत्तीसगडला रवाना होण्यापूर्वी सोलर डिफेन्स ॲण्ड एअरोस्पेस लिमिटेड प्रकल्पाची पंतप्रधान नरेंद्र मोदी पाहणी करणार आहेत.
पंतप्रधानांच्या सर्व कार्यक्रमास राज्यपाल सी. पी. राधाकृष्णन, केंद्रीय मंत्री नितीन गडकरी, मुख्यमंत्री देवेंद्र फडणवीस, उपमुख्यमंत्रीद्वय एकनाथ शिंदे व अजित पवार आणि राज्याचे महसूल व पालकमंत्री चंद्रशेखर बावनकुळे यांची उपस्थिती राहील.
मोठी बातमी! महाराष्ट्रातील ६४ लाख शेतकऱ्यांच्या खात्यावर जमा होणार तब्बल २५५५ कोटी, कृषिमंत्र्यांची घोषणा
गुढीपाडवा आणि पंतप्रधानांच्या दौऱ्याचे निमित्त साधून भाजपने अभूतपूर्व स्वागताची तयारी केली आहे. विविध ठिकाणी त्यांच्या भेटी व कार्यक्रम स्थळापर्यंतचा सुमारे ३० किलोमीटरचा मार्ग आणि ४७ चौक सुशोभित करण्यात येणार आहेत. रेशीमबाग चौकात भगवी तर दीक्षाभूमी चौकात निळी सजावट करण्यात आली आहे. जागोजागी मोदींचे ‘एक है तो सेफ है’, ‘ मोदी है तो मुमकीन है’ असे कटआऊटस लागले आहेत.
भाजपचे भिन्नभिन्न मोर्चे, आघाड्यांकडून चौकाचौकांत विविध राज्य, संप्रदायाच्या परंपरेनुसार वेशभूषा करून स्वागत केले जाईल. प्रमुख चौकांत गुढी उभारून मिठाई वाटप केली जाईल. पंतप्रधानांच्या दौऱ्यासाठी आमदार संदीप जोशी, प्रदेश उपाध्यक्ष संजय भेंडे, संघटन सचिव डॉ. उपेंद्र कोठेकर, शहराध्यक्ष बंटी कुकडे, जिल्हाध्यक्ष सुधाकर कोहळे यांच्या नेतृत्वात तयारी करण्यात आली आहे.
वसुली भाईंची दादागिरी! कर्जाचा केवळ एक हप्ता थकला, कर्जदाराला घरात घुसून मारहाण, तिघांवर गुन्हापर्यायी मार्ग वापरण्याचे आवाहन
पंतप्रधान नरेंद्र मोदी आज, रविवारी सकाळी ९ वाजतापासून शहरात नियोजित कार्यकमाकरिता हजर राहतील. त्याकरिता सकाळी ६ वाजतापासून डॉ. हेडगेवार स्मृती भवन, दीक्षाभूमी, माधव नेत्रालय या जवळील मार्गांवर वाहतूक पोलिस बंदोबस्त राहणार आहे. संपूर्ण कार्यक्रमादरम्यान पंतप्रधानांचे आगमन आणि प्रस्थानाच्या वेळी ज्या परिसराला मोदी भेट देणार आहेत, त्या परिसरातील सर्व मुख्य रस्ते नागरिकांसाठी बंद ठेवण्यात येतील. परिणामतः नागरिकांनी पर्यायी मागाँचा वापर करावा किंवा गैरसोय टाळण्याकरिता किमान एक तासआधी निघावे, असे आवाहन वाहतूक पोलिस विभागाने केले आहे. शनिवारी संपूर्ण दौऱ्यादरम्यान राहणारा बंदोबस्त आणि वाहतूक व्यवस्थेची रंगीत तालीम करण्यात आली.
नो फ्लाइंग झोन
पंतप्रधान नरेंद्र मोदी यांचे विमान दिल्लीहून येथील डॉ. बाबासाहेब आंबेडकर आंतरराष्ट्रीय विमानतळावर सकाळी ८.४० वाजता आगमन होईल. तर दुपारी १.३० वाजता रायपूरच्या दिशेने त्यांचे विमान उड्डाण भरेल. आगमन आणि प्रस्थान या दोन्ही वेळांदरम्यान विमानतळावर ‘नो फ्लाइंग झोन’ राहील. त्यावेळी इतर विमानांचे आवागमन होणार नाही.
Chhagan Bhujbal: ‘ते’ सावित्रीबाईंपेक्षा मोठे नाहीत; छगन भुजबळांचा पुणे विद्यापीठ उपकेंद्राच्या नामकरणाला विरोध
असा आहे दौरा…
विमानतळावर आमगन : सकाळी ८.४०
■ स्मृती मंदिर : ९ वाजता
■ दीक्षाभूमी : ९.३० वाजता
■ माधव नेत्रालय : १० वाजता
विमानतळ : ११.५० वाजता
■ सोलर डिफेन्स भेट : दुपारी १२.०५ वाजता
विमानतळ : १२.५० वाजता
■ बिलासपूरसाठी उड्डाण : १.३० वाजता
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा