आयपीएल सट्टेबाजांच्या विरोधातील मोहिमेत सोळा जणांवर प्रतिबंधात्मक कारवाई करण्यात आली आहे. यात अश्विन गुप्ता, आनंद राधाकिसन मंत्री, दिनेश बनकर, शेख नदीम शेख नसीर, गजानन बनकर, सुनील शिंदे, विजय नरसाळे, अमित रठ्ठैया, विनोद रठ्ठैया, शेख नजीर शेख इब्राहिम, रूपेश घोडके, सोनू चौधरी, विनोद भगत, जीवन भगत, सूरज काबलिये आणि दीपक तोडकर यांच्यावर कारवाई करण्यात आली आहे. यातील बरेच जण राजकीय नेत्यांच्या जवळचे कार्यकर्ते असल्याचे समोर आले आहे.

कारवाई दरम्यान मोठा मुद्देमाल जप्त

जिल्हा पोलिस अधीक्षक अजय कुमार बंसल, अपर पोलिस अधीक्षक आयुष्य नोपाणी, स्थानिक गुन्हे अन्वेषण विभाग पोलिस निरीक्षक प्रशांत जाधव, पोलिस निरीक्षक राजपूत, कृष्णा तंगे यांनी ही कारवाई केली. सट्टेबाजांच्या चांगल्याच मुसक्या पोलिसांनी आवळल्या असल्याचे देखील बघायला मिळतंय. अनेकांनी पोलिसांच्या या कारवाईनंतर धसका घेतल्याचे देखील बघायला मिळतंय. सध्या देशात आयपीएल सामने सुरू आहेत. पोलिसांनी केलेल्या या कारवाईमध्ये मोठा मुद्देमालही जप्त करण्यात आलाय.