नुकत्याच पार पडलेल्या विधानसभा निवडणुकीत धाराशिव जिल्ह्यातील भूम परंडा मतदारसंघातून महायुती तर्फे शिवसेनेचे तानाजी सावंत हे उमेदवार होते. तर महाविकास आघाडीच्या वतीने शरद पवार गटाचे राहुल मोटे हे उभे होते. या निवडणुकीमध्ये शरद पवार गटाच्या राहुल मोटे यांचा अवघ्या १५०९ मतांनी पराभव झाला. तर शिवसेनेच्या तानाजी सावंत हे त्या ठिकाणाहून निवडून आले.

दरम्यान, माजी आमदार राहुल मोटे यांनी तानाजी सावंत यांच्या निवडीवर आक्षेप घेतला होता. या प्रकरणी त्यांनी मुंबई उच्च न्यायालयाच्या औरंगाबाद खंडपीठामध्ये याचिका दाखल केली होती. त्यांनी दाखल केलेल्या याचिकेत काही मुद्दे मांडले होते. ज्यात शिवसेनेच्या तानाजी सावंत यांनी मतदारांना पैसे, साड्या आणि भांड्यांचा वाटप केल्याचा उल्लेख केला आहे. त्यांनी केलेल्या आरोपांचे पुरावे देखील सादर केले.
मालवणी पोलिसांनी 2 सेलिब्रेटींचा जबाब नोंदवलेला, Disha Salian प्रकरणात सर्वात मोठी अपडेट
या प्रकरणात मुंबई उच्च न्यायालयाच्या औरंगाबाद खंडपीठाने तानाजी सावंत यांना नोटीस बजावली आहे. यामध्ये भगीरथ कारखाना तानाजी सावंत यांचे बंधू शिवाजी सावंत, क्रांती महिला उद्योग समूहाच्या अर्चना दराडे यांनाही नोटीस देण्यात आली आहे.

तानाजी सावंत काय भूमिका मांडणार?

या नोटीस प्रकरणी आगामी काळात काय-काय घडामोडी घडतात ते पाहणं देखील महत्त्वाचं आहे. तानाजी सावंत हे स्वत: प्रत्यक्षपणे कोर्टात जावून भूमिका मांडतात की त्यांचे वकील बाजू मांडतील? हे पाहणं देखील महत्त्वाचं आहे. तसेच या प्रकरणात कोर्टाचा निकाल काय येईल, हे देखील पाहणं औत्सुक्याचं आहे.