देशमुख यांचं अपहरण कसं केलं, त्यानंतर त्यांची हत्या कशी केली गेली, त्यावेळी कोणाचा फोन आला होता, याबद्दलची इत्यंभूत माहिती घुलेनं दिली आहे. ‘देशमुखांच्या अपहरणासाठी काळ्या रंगाची स्कॉर्पियो आणि स्विफ्ट अशा २ गाड्या वापरल्या गेल्या. त्या भाड्यानं आणण्यात आल्या होत्या. एक गाडी टोल नाक्यावर आणि दुसरी देशमुखांच्या कारसमोर लावली. टोल नाक्यावर देशमुखांच्या कारनं रिव्हर्स घेऊ नये म्हणून स्विफ्ट कार मागे लावण्यात आली होती. त्या कारमधून पुढे असलेल्या घुलेला कॉल करण्यात आला. त्यानंतर त्यानं पुढून स्कॉर्पिओ कार लावली. त्यामुळे देशमुखांना पळता आलं नाही. त्यांना कारमधून बाहेर काढून तिथेच मारहाण करण्यात आली. मग त्यांना स्कॉर्पिओमध्ये टाकून अज्ञातस्थळी नेण्यात आलं’, अशी माहिती घुलेनं जबाबात दिली आहे.
Santosh Deshmukh Murder Case: कराड ते घुले व्हाया चाटे, चार पानी जबाब; लिंक समोर आल्यानं वाल्मिक गोत्यात, आकाचा पाय खोलात
‘अज्ञातस्थळी नेऊन संतोष देशमुखांचे कपडे काढण्यात आले. देशमुखला असा धडा शिकवा की पंचक्रोशीत आपली दहशत निर्माण झाली पाहिजे, असा आदेश चाटेनं फोनवरुन दिला होता. मग वायर, क्लच वायर, लाकडी दांडा, प्लास्टिकच्या पाईपनं देशमुखांना २ तास बेदम मारहाण करण्यात आली. त्यावेळी विष्णू चाटे आमच्या संपर्कात होता. मारहाण सुरु असताना एका आरोपीनं धावत येऊन देशमुखांच्या छातीवर लाथ मारली. त्यामुळे कळवळलेल्या देशमुखांना रक्ताची उलटी झाली. यानंतरही मारहाण सुरुच होती. देशमुख निष्प्राण झाल्यावर त्यांना कपडे घालण्यात आले. अंधार व्हायची वाट पाहिली. मग त्यांचा मृतदेह अज्ञातस्थळी टाकून आम्ही वेगवेगळ्या मार्गांनी गेलो,’ असं घुलेनं जबाबात म्हटलं आहे.