उदय सामंत हे डाऊटफुल आहेत, सामंत हे शिंदेंचे आहेत आणि फडणवीसांचेपण आहेत. कधी काळी ते ठाकरेंचे होते आणि शरद पवारांचे होते. अशी वक्तव्य व्यापारी पद्धतीचे मंत्री करत असतात. जे उद्योजक मंत्री असतात त्यांना अशी वक्तव्य करावी लागतात. त्यांनी करूद्या चांगली गोष्ट आहे, त्यांना कोणी सांगितलं शिंदे आणि फडणवीस या दोघांमध्ये चांगली मैत्री आहे. हा त्यांचा अत्यंत मोठा गैरसमज असल्याचं संजय राऊतांनी म्हटलं आहे.

सौगात ए मोदी ही सौगात ए सत्ता आहे आणि सौगात ए मुसलमान लांगुलचालन आहे. ३६ लाख मुस्लिमांसाठी मोदींनी आनंदाचा शिदा पाठवला आहे. याच मोदींनी आपली गेल्या तीन वर्षांमागील भाषणं ऐकावीत आणि आत्मचिंतन करावं. मुसलमान हे या देशातील घुसखोर असून तुमची जमीन हिसकावून घेतील. मुसलमान तुमच्या गळ्यातील मंगळसूत्र नेतील, तुमच्याकडे असलेल्या दोन गाई किंवा म्हशी असतील तर त्यातील एक ओढून नेतील. असं सागणाऱ्या भाजपला आणि मोदींना मुसलमानांविषयी प्रेमाच्या उकाळ्या फुटल्या आहेत या ढोंग आहे. निवडणुका डोळ्यासमोर ठेवत केलेलं राजकारण आहे. जो माणूनस त्यांच्याबद्दल विखारी पद्धतीने बोलत होता. त्यांना देशाचे नागरिक मानायला तयार नाही आणि आज त्यांच्याबाजून बोलताय. याचा स्पष्ट अर्थ आहे की, उद्यच्या निवडणुकीमध्ये मुस्लिम बुथवर भाजपला प्रत्येक बुथवर जास्त घटनाबाह्य पद्धतीने जास्त मते घ्यायची असल्याची टीका संजय राऊत यांनी म्हटलं आहे.

दरम्यान, सुधीर मुनगंटीवार यांच्या बेडरूममध्ये औरंगजेबाचा फोटो आहे. त्यासोबतच शायिस्तेखान, अफजलखान यांचे फोटो असणारच असं म्हणत राऊतांनी मुनगंटीवारांवर निशाणा साधला.