स्वारगेट एसटी बलात्कार प्रकरणातील पीडितेनं प्रधान सचिवांना एक पत्र लिहिलं आहे. त्यात तिनं पोलीस आणि डॉक्टरांबद्दलचे आक्षेप नोंदवले आहेत. ‘बलात्काराची घटना घडल्यावर सरकारी रुग्णालयात पुरुष डॉक्टरांनी माझी वैद्यकीय तपासणी केली. महिला डॉक्टरांनी तपासणी करणं गरजेचं असताना, तसा नियम असताना पुरुष डॉक्टरांनी माझी तपासणी केली. हा प्रकार धक्कादायक आणि लज्जा आणणारा होता,’ असं पीडितेनं पत्रात नमूद केलं आहे.
इकडे आसाराम तुरुंगात, तिकडे आश्रमात ‘खेळ’ होणार; जग डोळे विस्फारुन पाहणार, सरकारचा प्लान काय?
‘स्वारगेट पोलिसांनी या प्रकरणात माझी चौकशी केली. घटनाक्रमाबद्दल विचारणा केली. पुरुष पोलीस अधिकाऱ्यांमार्फत माझी चौकशी करण्यात आली. माझी इच्छा नसताना पोलीस अधिकारी माझी चौकशी करत होते. त्यांना उत्तर देताना अनेकदा मला लज्जा वाटत होती,’ असं पीडितेनं प्रधान सचिवांना लिहिलं आहे.

या प्रकरणातील सरकारी वकील अजय मिसर यांच्याबद्दल आक्षेपार्ह माहिती आपल्याकडे असल्याचा दावा पीडितेनं पत्रात केला आहे. ‘मला तीन वकिलांची नावं सुचवण्यात आली होती. त्यातील एका नावाची निवड करण्यास सांगितलं होतं. विशेष सरकारी वकील म्हणून असीम सरोदेंची नियुक्ती व्हावी अशी माझी मागणी होती. त्यासाठी मी पोलीस आयक्तांना भेटून पत्र दिलं. पण मला उशीर झाल्याचं सांगण्यात आलं. मी सांगण्याआधीच पुणे पोलिसांनी राज्य सरकारला पत्र पाठवलं होतं. या प्रकरणात माझी बाजू असीम सरोदेंनी मांडावी अशी इच्छा आहे,’ असं पीडितेनं पत्रात नमूद केलं आहे.
आधी खासदारकी गेली, दादांकडे येताच आमदारकीचं स्वप्नही भंगलं; बडा नेता दुसऱ्यांदा NCP सोडणार?
‘आरोपी दत्ता गाडेनं माझ्यावर बसमध्ये दोनवेळा बलात्कार केला. तिसऱ्यांदा त्याला अनैसर्गिक कृत्य करायचं होतं. पण मी तिथून पळ काढला. तो अत्याचार करत असताना मी प्रतिकार केला. एसी बस असल्यानं खिडक्या बंद होत्या. त्यामुळे माझा आवाज बाहेर पोहोचलाच नाही. पण मी प्रतिकार केला होता. माझी बदनामी थांबायला हवी. माझ्यावर अत्याचार झाला असताना माझ्या चारित्र्यावर संशय व्यक्त करणारी विधानं आरोपीच्या बाजूनं राजकीय नेत्यांनी केली,’ अशी तक्रार पीडितेनं प्रधान सचिवांकडे केली आहे.