“अर्धा तास चर्चा घ्यायची नसेल, तर स्पष्टपणे सांगाना. तीन-तीन तास कामकाजात बसून ठेवायचं आणि मग सागायचं की अर्धा तास नाही. अर्धा तास तुम्ही घेणार आहेत की नाही? घेतले तर सत्यमेव जयते आहे. त्या खुर्चीवरुन पुन्हा असत्य माहिती येऊ नये. मग रात्री एक वाजेपर्यंत बसू. रात्री 9 वाजता घाईघाईत सांगायचं. एकतर विधान भवनाचं नाव बदलवा तेही बदलवत नाहीत. कायद्यावर तर चर्चाच राहिली नाही”, असं सुधीर मुनगंटीवार म्हणाले.

‘घरी खायला नाही म्हणून आम्ही येत नाहीत’

“न्याय द्यावा. यासाठी अध्यक्ष म्हणून तुमच्या दालनात अधिवेशन संपल्यावर एक बैठक तरी घ्या. शेवटी आम्ही विषय मांडतो. सर्वसामान्य, सार्वजनिक, दीन-दुर्बल, शोषित पीडित, गरीब, शेतकरी, कष्टकरी यांना न्याय देण्यासाठी. इथे काय 2 हजार रुपये भत्ता घ्यायला, घरी खायला नाही म्हणून आम्ही येत नाहीत. कामकाज होणार असेल तर ठीक आहे. नाहीतर मग चालतंय चर चालूद्या गाडी. तिथे काय अडचण आहे?”, अशा शब्दांत सुधीर मुनगंटीवार यांनी उद्विग्नता व्यक्त केली. यावेळी तालिका अध्यक्षांनी दालनात बैठक घेण्यात येईल, असं सांगितलं. दरम्यान, सुधीर मुनगंटीवार यांच्या या कृतीवर आता इतर नेत्यांकडून काय प्रतिक्रिया देण्यात येते? ते पाहणं महत्त्वाचं आहे.