पीडित महिलेचा जानेवारी २०२२ मध्ये विवाह झाला होता. विवाहानंतर सासरच्या लोकांकडून तिला १० तोळे सोन्याच्या दागिन्यांची मागणी करण्यात आली. त्यासाठी तिचा सातत्याने छळ केला गेला. तू पांढऱ्या पायाची आहेस, काहीही झाले तरी तुला प्रॉपर्टीची मालकीन होऊ देणार नाही. दागिने आण अन्यथा तुला पळवून लावू आणि माझ्या भावाची मुलगी लग्न करून आणू, असे म्हणत सासूने वारंवार छळ केला.
Meerut Murder Case: बॉडीचे तुकडे, बेडवर भांडं अन् पिशवी; मुस्कान, साहिलचा प्लान काय होता? मीरारोडची घटना चर्चेत
पतीने तिच्यासोबत अनैसर्गिक संबंध प्रस्थापित केले. तिने नकार देण्याचा प्रयत्न केला असता तिला मारहाण करण्यात आली. तिच्या दोन्ही नणंदा फोन करून सासूला तिच्या विरोधात भडकवू लागल्या. एप्रिल २०२३ मध्ये तिने माहेरी मुलाला जन्म दिला. तत्पूर्वी सासरच्यांकडून गर्भपात करण्यासाठी दबाव देखील टाकला जात होता.

१० जानेवारी २०२४ला पती घराबाहेर असताना सासऱ्याने तिच्या खोलीत येत तिच्या इच्छेविरुद्ध लैंगिक संबंध ठेवले. ‘याबाबत कोणाला काही सांगितले तर तुला मारून टाकीन,’ अशी धमकी दिली. तिने ही गोष्ट सासूला सांगितली असता तिने, ‘तू शांत राहा, कोणाला काही सांगू नको,’ असे म्हटले. पतीने तिला दारू पिऊन येत सातत्याने शिवीगाळ, दमदाटी, लाथा-बुक्क्यांनी मारहाण केल्याचे पीडितेने तक्रारीत नमूद केले आहे.