स्टॅडअप कॉमेडियन कुणाल कामरा याने उपमुख्यमंत्री एकनाथ शिंदे यांच्यावर केलेल्या गाण्याने चांगलाच वाद निर्माण झालाय. यानंतर शिवसेना शिंदे गट प्रचंड आक्रमक झाल्याचे दिसून येत आहे. कुणाल कामराच्या वादग्रस्त विधानानतंर शिवसेना खासदार नरेश म्हस्के यांनीही आक्रमक होत कामराला महाराष्ट्रात फिरुन देणार नाही, असा इशारा दिलाय. तर कुणाल कामराच्या विधानाचे समर्थन करणाऱ्या शिवसेना ठाकरे गटाचे खासदार संजय राऊत यांनाही म्हस्केंनी खडेबोल सुनावले आहेत..