उपमुख्यमंत्री अजित पवार हे आज एक दिवसाच्या दौऱ्यासाठी नांदेड जिल्हात आले होते. दरम्यान, नरसी येथे पक्षप्रवेश सोहळा आणि त्यांची सभा झाली. यावेळी राष्ट्रवादी काँग्रेस पक्षाचे प्रदेशाध्यक्ष सुनिल तटकरे, माजी मंत्री नवाब मलिक, आमदार विक्रम काळे, आमदार प्रतापराव पाटील चिखलीकर, आमदार राजू नवघरे आदींची उपस्थिती होती. याप्रसंगी माजी खासदार भास्करराव पाटील खतगावकर यांच्यासह माजी आमदार ओमप्रकाश पोकर्णा, मीनल खतगावकर, माजी उपमहापौर सरजीतसिंघ गिल यांच्यासह अनेकांनी राष्ट्रवादी काँग्रेस पक्षात पक्षप्रवेश केला.

अजित पवार लाडक्या बहीण योजनेबाबत काय म्हणाले?

“राज्याच्या तिजोरीत खणखणाट नसून आर्थ‍िक श‍िस्त आणण्याचा प्रयत्न करण्यात आला आहे. देशात पहिल्या क्रमांचे राज्य राहील या अनुषंगाने अर्थसंकल्पात तरतूद करण्यात आली आहे. पाच वर्षात राज्य कसे चालले पाहिजे याचे नियोजन आहे. लाडकी बहीण योजना बंद करेल, असे विरोधकांना वाटले होते. तसेच या कार्यक्रमापूर्वी काही महिलांनी भेट घेऊन दादा १५०० रूपये तुम्ही देता पण, २१०० द्याना, अशी मागणी केली”, असं अजित पवार यांनी सांगितलं.
Sambhajiraje Chhatrapati : रायगडावरील वाघ्या कुत्र्याची समाधी हटवा, संभाजीराजेंची मुख्यमंत्र्यांकडे मागणी
“मी नाही म्हणत नाही. पण, ज्यावेळेस राज्य सरकारची परिस्थ‍िती ही अधिक योग्य होईल त्यावेळी बहिणींना २१०० रूपये देणार आहे. मला दिलेली योजना चालू ठेवयाची आहे. त्यामुळे आम्ही त्यामध्ये एक नव‍िन पर्याय काढत आहोत. काही बँकाना आम्ही तयार केले. यात बहिणांना ५० हजार रूपये कर्ज काढून योजनेतील महिलांनी एकत्र येऊन व्यवसाय करायचा आहे. यात बचत गटाप्रमाणे लाडकी बहीण योजनेतील २० महिला एकत्र आल्या तर साधारण १० लाख रूपये होतात. १० लाखांचे भांडवल घेऊन व्यवसाय करू शकता. तसेच २० महिलांचे महिन्याचे दीड हजार रूपये येतील त्याचा हप्त देता येईल, असा एक दृष्टीकोन आणला असून याची माहिती सरकारला देण्यात आली आहे”, अशी माहिती अजित पवार यांनी दिली.
Sujay Vikhe Patil : ‘माझंदेखील राजकीय पुनर्वसन करा’, सुजय विखेंची भर कार्यक्रमात मागणी

“उद्यापासून माझ्यासह महिला आणि बालविकास मंत्री अदिती तटकरे आणि अन्य मंत्री गावांमध्ये जाऊन सभा घेऊन सर्वांना माहिती देणार आहोत. चंद्रपूर, गडचिरोली, रत्नागिरी येथे या सेंटरला मंजूरी देण्यात आली आहे. तर मराठवाड्यातील युवकही मागे राहू नये याकरीता नांदेड येथेही इनोव्हेशन सेंटर सुरू होणार आहे”, असं अजित पवार यांनी सांगितलं.