याबाबत मिळालेल्या अधिक माहितीनुसार, १७ मार्चला सायंकाळी साडेपाच वाजताच्या सुमारास रायगड जिल्ह्यातील माणगाव येथे ही भयंकर घटना घडली आहे.
रायगड जिल्ह्यातील माणगाव- गोरेगाव पोलीस ठाण्याच्या हद्दीमध्ये एका तीन वर्षीय चिमुरडीवर अत्याचार करण्यात आला. येथे ८० वर्षांच्या नराधमाने या चिमुरडीवर आपल्या राहत्या घरातच अत्याचार केला. आरोपी नराधमाने चिमुकलीला चॉकलेटचं आमिष देत आपल्या घरात बोलावलं मग तिच्यावर अत्याचार केला.

आरोपी वृदधाने स्वतःच्या राहत्या घरामध्ये तीन वर्षांच्या लहान मुलीला बोलावून तिच्यासोबत गैर कृत्य केलं. या घटनेने तालुक्यामध्ये संतापाची लाट पसरली आहे. आरोपी हमजा यासीन दाभीळकर या आरोपीला पोलिसांनी अटक केली असून संबंधित आरोपी विरोधात पॉक्सो, बलात्कार कलमांतर्गत गुन्हा दाखल करण्यात आला आहे. या घटनेने परिसरात संतापाची लाट उसळली असून याप्रकरणी आरोपीवर कठोर कारवाईची मागणी करण्यात आली आहे. वरिष्ठांच्या मार्गदर्शनाखाली गोरेगाव पोलीस ठाण्याचे सहाय्यक पोलीस निरीक्षक विजय सुर्वे या संपूर्ण गुन्ह्याचा अधिक तपास करीत आहेत.
Meerut Murder Case: सौरभला संपवून मुस्कान-साहिल ६ दिवस हॉटेलमध्ये, खोली क्र. २०३ मधील धक्कादायक गुपित उघड

शिरुरमध्ये तरुणीवर सामूहिक अत्याचार

पुण्यातील स्वारगेट बसस्थानक येथील बलात्कार प्रकरण ताजे असतानाच पुणे जिल्ह्यात पुन्हा एक सामूहिक अत्याचाराची घटना घडली आहे. शिरुर तालुक्यातील कारेगाव येथे १ मार्चला १९ वर्षीय तपुणी बाभूळसर रस्त्याच्या बाजुला उभे राहून आपल्या मामे भावासोबत गप्पा मारत होती. तेव्हा दुचाकीवरुन आलेल्या दोघांनी चाकुचा धाक दाखवत त्यांना जीवे मारण्याची धमकी दिली. त्यांना मारहाण केली, त्यानंतर त्या दोघांना शरीर संबंध ठेवण्यात भाग पाडले. त्यांनी हे सारं मोबाईल कॅमेऱ्यात कैद केले. त्यानंतर पीडितेवर आळीपाळीने अत्याचार केला. त्यानंतर तिचे सोन्याचे दागिने काढून घेतले. याप्रकरणी पोलिसांनी आरोपींच्या मुसक्या आवळल्या आहेत.