देवेंद्र फडणवीसांना स्वत: विषयीचं चांगलं सत्य पचवायची ताकद राहिली नाही. नागपूर हिंसाचार ही फडणवीसांना अडकवण्याचं षडयंत्र आहे. हेच आदित्य ठाकरे आणि जलील यांनीही म्हटलं आहे. मीही हेच म्हणालो, पण संताजी धनाजीप्रमाणे स्वप्नातसुद्धा संजय राऊत दिसतात. ते असं म्हणाले यांच्यावर उपचार केले पाहिजेत. तुमचं संपूर्ण सरकार मनोरूग्ण आहे.विशेष तरतूद करून सरकारने मंत्रिमंडळाची मनोरूग्ण चाचणी केली पाहिजे. ज्या पद्धतीने तुमचे मंत्री बोलतायेत, धांगडधिंगा घालतायेत, भ्रष्टाचार करतायेत, स्वत:ला जे कोणी आहेत ना बालहिंदुत्त्ववादी त्यांची भाषा बघा. काय चाललंय विधानसभा आणि विधानपरिषदेमध्ये, भाजपचं मंत्रिमंडळ आहे त्यांच्यावर सरकारी खर्चाने उपचार करा, अशी टीका करताना संजय राऊतांनी आमदार आणि मंत्री नितेश राणे यांचं नाव न घेता निशाणा साधला.

दोन्ही आत्महत्या आहेत हे सिद्ध झालेलं आहे. पण राजकीय बदनामीचा कट करण्यासाठी या दोन्ही आत्महत्यांना हत्या असल्याचा रंग देण्यात आला. पाच वर्षानंतर दिशा सालियानच्या वडिलांना काही लोकांनी पुढे केलं. याचा तपास करावा यासाठी याचिका कोर्टात नेली, सुशांत सिंग प्रकरण संसदेपर्यंत गेलं. जसं औरंगजेबाचं राजकारण चाललं आहे तसं मृतांचं राजकारण भाजपने सुरू केलं आहे. सगळ्यांना त्रास झालेला आहे त्यांचा हेतू काही सिद्ध झाला नाही. कारण आमच्यासारखे लोकं म्हणजे ठाकरे परिवार, अनिल परबांसारखी लढत असल्याचं राऊतांनी म्हटलं आहे.