उद्धव ठाकरे यांच्याशी चर्चा झाली, याचा त्यांनी इन्कार केला. असा कोणताही फोन नारायण राणे यांना झालेला नाही. मिलिंद नार्वेकर यांच्याशी बोलणं झालं ते म्हणाले मी कधी असा फोन लावून दिलेला नाही. आता यातले प्रमुख व्यक्ती आहेत नारायण राणे ज्यांचा उल्लेख करतायेत. नारायण राणे कशाच्या आधारावर अशा प्रकारची वक्तव्य करतायेत हे समजून घेणं गरजेचं आहे. त्यांची प्रकृती बरी नाहीये का? सत्तरी पार केलीय. त्यांच्या प्रकृतीची चिंता वाटतेय, पण उद्ध ठाकरे आणि नार्वेकर यांनी स्पष्टपणे सांगितलं असं संभाषण झालेलं नाही. राणेंनी मुख्यमंत्र्यांवर भाष्य केलं त्यावेळी त्यांना अटक झाली. त्यांच्यासाठी कुटुंबातून उद्धव ठाकरेंना फोन आले होते. सांभाळून घ्या, त्यांची प्रकृती बरी नाही, काही विकार आणि त्रास आहेत. त्यानंतर संध्याकाळी उद्धव ठाकरेंनी पोलिसांना सूचना देऊन त्यांची सुटका करायला लावली. केंद्रातून उद्धव ठाकरे यांना अमित शहांचा फोन आला होता. ते आमचे केंद्रीय मंत्री आहेत, जरा सांभाळून घ्या, असं संजय राऊत यांनी सांगितलं.

राणेंच्या कुटुंबियांचे फोन आले होते. या गोष्टी काढायच्या असतात का, पण तुम्ही काढल्यामुळे आम्हाला सांगावं लागतंय, हे महाराष्ट्राचं दुर्देव आहे. व्यक्तीगत चर्चा खोटा मोलावा देऊन बाहेक काढल्या जातात. असं काढायला गेलो तर प्रत्येकाचे संबंध काहीना काही कुठेतरी असतात. महाराष्ट्रामध्ये असं वातावरण कधीच नव्हतं. कोणतीही कारवाई कुटुंबापर्यंत जात नव्हती. गेल्या दहा वर्षाच मोदी-शहांचं राज्य आल्यापासून देशामध्ये अशा प्रकारचं दळभद्री वातावरण तयार झालं असल्याचं संजय राऊत यांनी म्हटलं आहे.