दिशा सालियान प्रकरणावरून निलेश राणे हे आदित्य ठाकरे यांना टार्गेट करताना दिसत आहेत. हेच नाही तर त्यांनी काही गंभीर आरोपही केले. अधिवेशनात त्यांनी हा मुद्दा उपस्थित केला. नारायण राणे यांनी देखील पत्रकार परिषद घेत काही मोठे खुलासे केले. त्यांनी स्पष्ट केले की, दिशा सालियान प्रकरणात आदित्य ठाकरेंना वाचवण्यासाठी आपल्याला उद्धव ठाकरे यांचे दोन फोन आले होते. त्यांनी सुशांत सिंह राजपूत याच्या मृत्यूबद्दल देखील मोठा खुलासा केलाय.
Pune News : पुण्यात सिंहगडला जाताना मृत्यू झालेल्या अभियंत्याच्या कुटुंबाला मिळणार २.५ कोटींची भरपाई, नेमकं काय घडलं?नाराणय राणे म्हणाले की, सुशांत सिंगची हत्या होताना नोकराने मोबाईलमध्ये शूटिंग केले होते. कशाप्रकारे त्याच्या गळ्याला फास दिला जात होता, हे त्यावरून कळतंय. वेळ आल्यावर आमच्याकडचे सर्वकाही पुरावे आम्ही पोलिसांना देऊ. सुशांतचा खून हा त्याचा नोकर सावंत याच्यासमोर झाला. त्या सावंतचे का बयान पोलिसांनी घेतले नाही? सुशांतच्या घरात नोकर सावंत होता. खैरवाडीत तो राहतो, इतके पण सांगतो.

त्याने त्याच्या मोबाईलमध्ये शूटिंग काढलीये, त्याच्या गळ्याला दोरी कशी बांधली जात होती आणि काय सुरू होते. वेळ आल्यावर आम्ही सर्वकाही देऊ. १०० टक्के आम्ही सर्वकाही देणार आहोत. १०० टक्के पोलिस, सरकार आणि देवेंद्र फडणवीस यांना सहकार्य करणार असल्याचे राणेंची म्हटले आहे. आता नारायण राणे यांनी केलेल्या या दाव्यामुळे मोठी खळबळ निर्माण झाल्याचे बघायला मिळतंय. आता यावर पोलिसांकडून काय पाऊले उचलली जातात, हे पाहण्यासारखे ठरणार आहे.