पुढील पाच दिवसांमध्ये विदर्भात काही ठिकाणी विजांसह गडगडाटी वादळे पाऊस पडले. यासोबतच ४०-५० किमी प्रतितास वेगाने वारे वाहण्याची शक्यता आहे. अवकाळी पावसाचाच इशारा हवामान खात्याकडून आता देण्यात आलाय. हा विदर्भातील लोकांना मोठा दिलासा म्हणावा लागेल. काही दिवसांपूर्वीच चंद्रपूरचे तापमान हे ४० अंश सेल्सिअसच्या आसपास गेले होते. तापमानात सातत्याने वाढ होताना दिसली.
मुंबई, पुणे, नागपूर, परभणी, छत्रपती संभाजीनगर, नांदेड, परभणी, बीड, जळगाव, अकोला, सांगली, सातारा, कोल्हापूर, नाशिकमध्ये आज तापमान सामन्या राहण्याची शक्यता आहे. छत्रपती संभाजीनगरमध्ये दुपारनंतर ढगाळ वातावरण राहिल. मराठवाड्यात तापमान वाढले होते. दुपारच्यावेळी शरीराची लाहीलाही होत होती. अवकाळी पावसामध्ये थोडे थंड हवामान राहण्याची शक्यता आहे. विदर्भात मोठ्या प्रमाणात बदल होताना दिसत आहेत.

यंदा मार्चमध्येच सूर्य तळपताना दिसून येत असून, उन्हाचा कडाका वाढला आहे. उन्हामुळे होणाऱ्या काहिलीमुळे शेतकऱ्यांनी शेतीच्या कामांमध्ये बदल करून शेतीला पाणी देण्याच्या वेळा बदलल्या आहेत. यंदा रब्बी व उन्हाळी हंगामाच्या सिंचनासाठी मुबलक पाणी उपलब्ध झाल्याने यंदा कांदा लागवड, कांदा बीजात्पोदन, सोयाबिन, बाजरी या पिकांसह उशिराने गहू आणि मका पिकाचा पेरा मोठ्या प्रमाणावर झाला आहे. उन्हाळी मशागतीचे कामे शेतकरी भर उन्हात करत आहे. तापमानात मोठ्या प्रमाणावर वाढ झाल्याने तापमाण ४० डिग्री अंश सेल्सियसपर्यंत पोहचले आहे. या उन्हाच्या काहीलीचा परिणाम म्हणजे शेतकरी व शेतमजूर दुपारचे कामे सकाळी उरकताना दिसून येत आहे.