“एमपीएससीच्या संदर्भात आपण जे प्रश्न उपस्थित केले आहेत, आधी तर जे लोकं राहिले आहेत त्यांना कधी नियुक्ती देणार आहोत ते सांगितलेलं आहे. केवळ 14 लोकं आता राहिलेले आआहेत. त्यांच्या कागदपत्रांमध्ये काही त्रुटी आहेत. बाकी सगळ्यांचे पूर्ण केले आहेत. त्यांची ट्रेनिंगची व्यवस्था आपण पूर्ण केलेली आहे. उर्वरित 14 लोकांची देखील आपण लवकरच तपासणी करुन त्यांनाही नियुक्ती देऊ”, असं देवेंद्र फडणवीस यांनी स्पष्ट केलं.

MPSC परीक्षेच्या वेळापत्रकारवर मुख्यमंत्र्यांचं भाष्य

“आपल्या लक्षवेधीचा रोख हा अतिशय योग्य आहे. युपीएएसीमध्ये त्याचं कॅलेंडर हे पक्क असतं. कधी परीक्षा होणार, कधी मेन्स होणार, कधी इंटरव्ह्यू होणार, पण आपल्याकडे दुर्दैवाने कॅलेंडर (वेळापत्रक) जाहीर केल्यानंतरही गेल्या पाच-सात वर्षे असं लक्षात आलं आहे की, आपल्याला सातत्याने तारखा बदलाव्या लागतात. त्याचं मुख्य कारण असं आहे की, 2018-19 पासून आपल्याकडे सातत्याने वेगवेगळ्या आरक्षणाच्या प्रश्नांमुळे कोर्टाचे निर्णय येतात, कधी एसीबीसीचा निर्णय येतो, कधी इडब्यूएसचा विषय येतो, कधी इडब्यूएसमधून एसबीसीचा विषय येतो, मग त्यात वेगवेगळ्या कोर्टात ज्या स्थगिती येतात त्यामुळे हा जास्त वेळ लागतो. पण पुढच्या काळात आपला प्रयत्न असेल की युपीएससी प्रमाणे एमपीएससीदेखील योग्य प्रकारचं वेळापत्रक तयार करावं”, असं देवेंद्र फडणवीस म्हणाले.

‘एमपीएससीच्या डिस्क्रिप्टीव परीक्षा होणार’

“दुसरं आपण डिस्क्रिप्टीवचं सांगितलं. आपण 2023 मध्ये डिस्क्रिप्टीव आणली होती. त्यावेळी सर्व विद्यार्थ्यांनी विनंती केली होती, त्यावेळेसच आपण घोषणा केली होती की, शेवटची संधी म्हणून 2025 पर्यंत सर्वांना संधी दिली जाईल. 2025 पासून डिस्क्रिप्टीव प्रमाणेच आपल्या परीक्षा होती. तसा निर्णय झालेला आहे. एमपीएससीने तो निर्णय घेतला आहे. एमपीएससी या वर्षापासून डिस्क्रिप्टीव परीक्षाच घेणार आहे. बहुतांश विद्यार्थ्यांचं त्यांना समर्थन आहे. काही विद्यार्थ्यांचा विरोध देखील आहे. तो विरोध आपण या ठिकाणी ग्राह्य धरणार नाही. कारण आपल्या विद्यार्थ्यांचं त्यामुळे यूपीएससीत नुकसान होतं. यूपीएससीत डिस्क्रिप्टीव आहे. एमपीएससी डिस्क्रप्टीव राहिली नाही तर आपले विद्यार्थी इकडची आणि तिकडची तयारी करु शकत नाहीत. त्यामुळे आपण याबाबतचा निर्णय घेतलेला आहे”, अशी महत्त्वाची माहिती देवेंद्र फडणवीस यांनी दिली.
संतोष देशमुख हत्या प्रकरणात मोठी अपडेट, अवादा कंपनीच्या तिन्ही वॉचमनचे जबाब समोर, कराडच्या नावाचा स्पष्ट उल्लेख

‘कुठलाही गोंधळ झालेला नाही’

“यासोबत आपण आऊटसोर्सिंगचा विषय सांगितला, एमपीएससीत पेपर सेंटीग स्वत: एमपीएससी करते. आपण काही इन्फ्रास्ट्रक्चर बाहेरचं घेतो. बाकी सगळं एमपीएससीच्या माध्यमातून होतं. आपल्याला माहिती आहे, एमपीएससीने सुदैवाने गेल्या काही वर्षांमध्ये पारदर्शी पद्धतीने परीक्षा घेण्याचा उपक्रम चालवलेला आहे. कुठलाही गोंधळ झालेला नाही”, असं देवेंद्र फडणवीस यांनी स्पष्ट केलं.
Nagpur Violence: हिंसाचाराचे समर्थन करत नाही, औरंगजेब हा…, नागपूरच्या घटनेवर RSS ची पहिली प्रतिक्रिया

‘एमपीएससीचं रिस्ट्रक्चरिंगचं प्रपोजल तयार करत आहोत’

“एमपीएससीत ज्या 3 रिकाम्या जागा आहेत त्या तात्काळ भरण्याचं काम आपण सुरु केलेलं आहे. एका जागेची कार्यवाही जवळपास पूर्ण झालेली आहे. दोन जागांसाठी जाहिरात करणार आहोत. या व्यतिरिक्त आता एमपीएससीचं रिस्ट्रक्चरिंग आपण सुरु करतोय. कारण पुढच्या काळात आपल्याला मोठ्या प्रमाणात भरती प्रक्रिया राबवायची आहे. ती वेळेत झाली पाहिजे याकरता आपल्या जेएडी सेवा, सचिवांना जबाबदारी दिली आहे. त्यांनी सर्व राज्यांचा आणि यूपीएससीचा अभ्यास केलेला आहे. आपण रिस्ट्रक्चरिंगचं प्रपोजल तयार करत आहोत. वर्ग एक, वर्ग दोन यासोबतच वर्ग तीनही आपण एमपीएससीला दिलेले आहेत”, अशी माहिती देवेंद्र फडणीस यांनी दिली.