Nagpur Violence Key Acussed Get Custody : नागपूरमधील हिंसाचारप्रकरणी पोलिसांनी दंगलीचा सूत्रधार फहीम खानला बेड्या ठोकल्या आहेत. पोलिसांनी त्याला बुधवारी अटक करुन कोर्टासमोर हजर केले असता त्याला पोलीस कोठडी सुनावण्यात आली आहे.
नागपुरच्या महाल परिसरात सोमवारी सायंकाळी हिंसाचार उफाळून आला. रात्री नऊ वाजतानंतर तीव्रता वाढल्यानंतर मोठ्या प्रमाणात बंदोबस्त तैनात होईपर्यंत शेकडो तरुणांनी मध्य नागपुरातील भालदारपूरा, हंसापूरी व अन्य भागात वाहनांची जाळपोळ करून घरांवर दगडफेक केली. हातात लाठ्या, काठ्या व शस्त्र घेऊन घोषणा देत तरुण रस्त्यावर उतरले होते. जमावाने पोलिसांवरही हल्ला करून गंभीर जखमी केले. महिला पोलिसांचा विनयभंग केला.
Nagpur Violence: पोलीस हिंदू आहेत, मदत करणार नाहीत; नागपूर राड्याचा मास्टरमाईंड असल्याचा ठपका, फहीम खान कोण?
विश्व हिंदू परिषदेच्यावतीने सोमवारी औरंगाजेबची कबर हटवण्यासाठी आंदोलन करण्यात आल्यानंतर त्याचे पडसाद सायंकाळी उमटले. या हिंसाचारानंतर शहरातील अकरा पोलिस ठाण्याच्या हद्दित संचारबंदी लावण्यात आली. मायनॉरिटीज डेमोक्रॅटिक पार्टीचा शहराध्यक्ष फहिम खान ए-६१, संजय बाग कॉलनी, डॉ. आंबेडकर मार्ग येथील रहिवासी आहे. पक्षाकडून त्याने वर्षभरापूर्वी लोकसभा निवडणूक लढली होती. त्याला १ हजार ७३ मते मिळाली. त्याने शिवाजी नाईट शाळेत दहावीपर्यंतचे शिक्षण घेतले. त्याच्याकडे पॅन कार्ड आहे पण आयकर भरण्याइतके उत्पन्न नाही. निवडणुकीच्यावेळी २५ हजार रोख होती. दुचाकी ॲक्टिव्हा असून दागिने, मालमत्ता वा शेती नाही.
धर्माचा आधार घेत फहीमने कट्टर विचारसरणीच्या तरुणांना एकत्र केले. प्रक्षोक्षक भाषणे देऊन जमावाला चिथावणी दिल्याचा आरोप त्याच्यावर आहे. त्याच्यामुळेच हिंसाचार झाला असून हा कट आधीच रचण्यात आला होता, असे पोलिस तपासात समोर आले आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा