दापोली विधानसभा मतदारसंघात शिवसेना शिंदे गटाची ताकद वाढली आहे. ठाकरे गटाचे माजी आमदार संजय कदम यांनी शिवसेनेत पक्षप्रवेश केला आहे. उपमुख्यमंत्री एकनाथ शिंदेंच्या उपस्थितीत मुंबईत (१८ मार्च) हा पक्षप्रवेश पार पडला. शिवसेनेत प्रवेश केल्यानंतर संजय कदम यांची पहिली प्रतिक्रिया दिली. आमच्या भांडणात विकासावर परिणाम झाला आता एकत्र काम करू असे ते म्हणाले. तर मंत्री योगेश कदम यांनीही त्यांच्या पक्षप्रवेशानंतर समाधान व्यक्त केले.