पीडित तरुणाने २४ फेब्रुवारी रोजी रात्री संत तुकारामनगर मेट्रो स्थानकावरून उडी मारून आत्महत्या केली होती. या प्रकरणी त्याच्या वडिलांनी रविवारी (१६ मार्च) पिंपरी पोलिस ठाण्यात फिर्याद दिली आहे. त्यानुसार, प्रणव किशोर शिंदे (वय २१), नितीन पाटील (वय २२), संदीप रोकडे (वय २०), आकाश चौरे (वय २०, चौघे रा. महेशनगर, पिंपरी, मूळ रा. धुळे), लोपेश राजू पाटील (वय २०, महेशनगर, पिंपरी, मूळ रा. जळगाव), प्रथमेश जाधव (वय १९, महेशनगर, पिंपरी, मूळ रा. सातारा) यांच्या विरोधात गुन्हा दाखल करण्यात आला आहे. लोपेश पाटील आणि प्रथमेश जाधव यांना पोलिसांनी अटक केली आहे.

पोलिसांनी दिलेल्या माहितीनुसार, मयत तरुण बीसीएस अभ्यासक्रमाच्या शेवटच्या वर्षात शिकत होता. त्याने आपल्या मोबाइलवर एक ऑनलाइन अॅप्लिकेशन डाउनलोड केले. या अॅपच्या माध्यमातून त्याची आरोपी तरुणांशी ओळख झाली. हे आरोपी तरुणही अॅपचाच वापर करीत होते. ओळख झाल्यानंतर तरुणांनी पीडित तरुणाला पिंपरीतील महेशनगर येथे भेटायला बोलावले.

आरोपी संदीप रोकडेसोबत पीडित तरुणाला खोलीत पाठवले. इतर तरुणांनी खोलीत दोघांचे नग्न फोटो आणि व्हिडिओ घेतले. त्यानंतर आरोपी तरुणांनी पीडित तरुणाला संबंधित फोटो आणि व्हिडिओ समाजमाध्यमांवर प्रसृत करण्याची धमकी दिली; तसेच तरुणाला वारंवार ‘ब्लॅकमेल’ केले. त्याच्याकडे ५० हजार रुपयांची मागणी केली.

तरुणाने ३५ हजार ५०० रुपये दिले. मात्र, आरोपींची पैशांची मागणी थांबत नव्हती. बदनामीच्या भीतीने तरुणाने २४ फेब्रुवारी रोजी संत तुकारामनगर मेट्रो स्थानकावरून उडी मारली. खाली पडल्यानंतर रस्त्यावरून जाणाऱ्या एका कारने तरुणाला जोरात धडक दिली. यातच त्याचा मृत्यू झाला.
Nashik News : आमचे हे दिसले का? पोरं वाट पाहतायत… पती १० महिन्यांपासून घरातून बेपत्ता, मुंबईला येणाऱ्या ट्रेनमध्ये ३८ वर्षीय विवाहितेचा आर्त प्रश्न

‘एलजीबीटीक्यू’साठीचे अॅप

पीडित तरुणाने वापरलेले ऑनलाइन डेटिंग आणि सोशल नेटवर्किंग अॅप हे गे, ट्रान्सजेंडर, बायसेक्शुअल, क्विअर पुरुषांसाठी तयार केले आहे. अॅप वापरकर्त्याच्या लोकेशननुसार जवळच्या प्रोफाइल दिसतात. अॅपवर चॅट आणि फोटो शेअर करता येतात. पार्टनर शोधण्यासाठी वेगवेगळे फिल्टर्स लावता येतात. हे अप ‘एलजीबीटीक्यू’ समुदायासाठी सुरक्षित व्यासपीठ मानले जाते.
HSRP Number Plate : गाडी २०१९ नंतर घेतली, तरी एचएसआरपी नंबरप्लेट नाही, अर्जही भरता येईना; पुण्यात वाहन चालकांचा संताप, उपाय काय?
मृत तरुणाने मोबाइलमध्ये अॅप डाउनलोड केले होते. त्याच्यावरून ओळख झालेल्या तरुणांनी त्याला भेटायला बोलावून त्याचे नग्न फोटो आणि व्हिडिओ काढले. त्याला ब्लॅकमेल करून त्याच्याकडून पैसे घेतले. मात्र, वारंवार होणारे ब्लॅकमेलिंग आणि मानसिक त्रासाला कंटाळून तरुणाने आत्महत्या केली. या प्रकरणी सहा आरोपींवर गुन्हा दाखल झाला असून, दोन आरोपींना अटक केली आहे, अशी माहिती पिंपरीचे वरिष्ठ पोलिस निरीक्षक अशोक कडलक यांनी दिली आहे.