पुयनी गावाच्या काही अंतरावर जिज्ञासा शाळा आहे. शाळेत इयत्ता आठवी आणि नववी वर्गात शिकत असलेले दोन विद्यार्थासह अन्य एक जण आंबे खाण्यासाठी शाळेत गेले. शाळेच्या मैदानावर आंब्याचे झाडे आहेत. झाडावरील कैऱ्या तोडत असताना तेथे कार्यरत असलेला वाॅचमन परमेश्वर संकेवाड याने त्यांना पकडले. तुम्ही केऱ्या का तोडल्या अस म्हणत त्याने फायबरच्या पाईपने तिन्ही मुलांच्या मांडीवर, पायावर, पिंन्ड्रीवर आणि हातावर अमानुष मारहाण केली, असा आरोप नातेवाईकांनी केला.
Dadarao Keche : फडणवीसांच्या पीएविरुद्ध बंडखोरी, बावनकुळेंसोबत चार्टर्ड प्लेनने दिल्लीवारी, अमित शाहांचा शब्द, अखेर फळ मिळालंतिघांना शाळेत एका खोलीमध्ये कोंडले. घटनेबद्दल कोणालाही सांगितले तर जीवे मारण्याची धमकी वॉचमनने विद्यार्थ्यांना दिली. दरम्यान, काही तासानंतर यातील एका मुलाने घडलेला प्रकार आपल्या वडिलांना सांगितला. घटनेची माहिती मिळताच नातेवाईक आणि ग्रामस्थांनी संताप व्यक्त करत लिंबगाव पोलीस ठाण्यात धाव घेतली. सुरेश पावडे यांच्या तक्रारीवरून लिंबगाव पोलिसांनी २४ वाॅचमन परमेश्वर माधव संकेवाड याच्या विरोधात कलम ११८ (१), ३५१ (२), ३५१(३), ७५ अंतर्गत गुन्हा दाखल करण्यात आला आहे. या घटनेने पारिसरात एकच खळबळ उडाली आहे.

तापलेल्या कुशाने चटके देऊन मारहाण

लोखंडी कुसा गरम करुन चटके देऊन जखमी केल्याची घटना हदगाव तालुक्यातील बेलमंडळ येथे घडली. याप्रकरणी बालाजी खराटे व बाबू तंत्रे यांच्याविरुद्ध ॲट्रासिटी व भारतीय न्याय संहिताच्या विविध कलमान्वये हदगांव पोलीस ठाण्यात गुन्हा दाखल करण्यात आला आहे. बेलमंडळ येथील प्रकाश गव्हाळे हे शिमग्यानिमित्त गावाजवळच्या पैनगंगा नदी पात्राकडे गेले होते. तेव्हा गव्हाळे यांनी आपल्या शेळ्या बाजूला असलेल्या शेतातील पिकात चारल्या असल्याचा आरोप करण्यात आला. यावरून किरकोळ वाद झाला.

या कारणावरून बालाजी खराटे रा. बाभळी व बाबू तंत्रे रा. बेलमंडळ यांनी प्रकाश गव्हाळे यास लोखंडी कुसा (शेतीचे अवजार) गरम करून त्याच्या सहाय्याने गव्हाळे यांना चटके दिले. यावेळी जातीवाचक शिवीगाळ करुन जीवे मारण्याची धमकी दिल्याची तक्रार गव्हाळे यांनी हदगाव पोलीस स्टेशनला केली. त्यावरुन बालाजी खराटे व बाबू तंत्रे यांच्याविरुद्ध अनुसूचित जाती जमाती प्रतिबंधक कायद्यासह भारतीय न्याय संहिताचे विविध कलमान्वये गुन्हा दाखल करण्यात आला आहे. पुढील तपास उपविभागीय पोलीस अधिकारी बेन हे करत आहेत.