सतीशविरोधात सुरु असलेली कायदेशीर कारवाई मान्य आहे. पण घर पाडणं अयोग्य असल्याची प्रतिक्रिया खोक्याच्या बहिणीनं दिली. ‘सतीश भोसले माझा भाऊ आहे. त्याला अटक झाली, त्याची चौकशी सुरु असल्याचं आम्ही बातम्यांमध्ये पाहत होतो. त्याच्यावर झालेले आरोप खरे आहेत की खोटे आहेत, त्याची चौकशी सुरु आहे. पोलीस अधीक्षक चौकशी करत आहेत. ती चौकशी आम्हाला मान्य आहे. पण बुलडोझरनं घर पाडणं अयोग्य आहे. घर पाडल्यानंतर २-४ तासांनंतर त्याचं घरच पेटवून दिल्याची बातमी आली. हा प्रकार योग्य नाही,’ असं खोक्याच्या बहिणीनं म्हटलं.
आमदारकीची जागा १, इच्छुक ६; शिंदेंसमोर पेच; काय तो दांडा म्हणत तुटून पडलेल्या नेत्या आघाडीवर
‘आम्हाला काल रात्री घर जाळल्याची बातमी समजली. आम्ही सकाळी ताबडतोब इथे आलो. घरदार जाळून टाकलं. लहान मुली आहेत. त्यांच्यावर अन्याय झालाय. त्यांना हाणण्यात आलंय. बीडच्या रुग्णालयात त्यांच्यावर उपचार सुरु आहेत. इथली परिस्थिती बघायला आम्ही आलो आहोत. आम्हाला न्याय मिळवून द्या. घरदार पेटवून देणाऱ्यांना अटक करा’, अशी मागणी भोसलेच्या दुसऱ्या बहिणीनं केली.
Eknath Shinde: मित्र(पक्ष) हीच संपत्ती, फडणवीसांनी टाळली ‘आपत्ती’; ‘त्या’ समितीत शिंदे इन, नियमच बदलले
सतीश भोसलेच्या घरावर काल वन विभागानं तोडक कारवाई केली. बुलडोझर लावून त्याचं घर पाडण्यात आलं. वन विभागाच्या जमिनीवर खोक्यानं घर बांधलं होतं. त्यावर काल वन विभागानं कारवाई केली. त्याआधी वन विभागानं खोक्याला नोटीस पाठवली होती. पण ४८ तासांत नोटिशीला कोणतंही उत्तर न आल्यानं घर जमीनदोस्त करण्यात आलं. भाजप आमदार धस यांचा जवळचा कार्यकर्ता असलेल्या खोक्या शिरुर कासार गावात वास्तव्यास आहे. मारहाणीचा गुन्हा दाखल झाल्यानंतर तो फरार झाला होता. त्याला उत्तर प्रदेशच्या प्रयागराजमधून अटक करण्यात आली.