खोक्या उर्फ सतीश भोसले याचं घर हे वन विभागाच्या जागेवर बांधण्यात आलं आहे. त्यामुळे वन विभागाने खोक्याला नोटीस बजावली होती. पण 48 तासांनंतरही नोटीसला उत्तर न आल्याने वन विभागाने कारवाई सुरु केली आहे. वन विभागाचे अधिकारी-कर्मचारी आणि पोलिसांचा मोठा फौजफाटा शिरुर कासार येथे सतीश भोसले याचं घर असलेल्या ठिकाणी दाखल झाले आहेत. या कर्मचाऱ्यांकडून सतीश भोसले याच्या घरातील सामान बाहेर काढला जातोय. तसेच कारवाईसाठी बुलडोझर देखील सतीश भोसले याच्या घराबाहेर आणण्यात आलं आहे.
Nitesh Rane : महाराष्ट्रातून औरंगजेबाची कबर हटवली जाणार? मंत्री नितेश राणे यांच्या सूचक वक्तव्याने चर्चांना उधाण
सतीश भोसले याचं घर असलेल्या परिसरात त्याची मोठी दहशत होती, अशी चर्चा आहे. सतीश भोसले याच्या घराबाहेर भारतीय जना पार्टी प्रदेश कार्यालय असं लिहिलंआहे. तसेच आय लव्ह माय होम असं घराच्या उजव्या बाजूला लिहिलेलं आहे. तसेच सतीश भोसले याचं घर आतमधून प्रशस्त दिसत आहे. या घराच्या भिंती काचेसारख्या दिसत आहेत. पण आता त्या सर्व जमीनदोस्त केल्या जाणार आहेत.
MNS Protest : LIC ला मराठीचं वावडं? इंग्रजी, गुजरातीला प्राधान्याचा दावा, मनसे आक्रमक, माफीनाम्याची मागणी

खोक्यावर वन विभागाकडून दोन गुन्हे दाखल

वन विभागाकडून सतीश भोसले याच्या विरोधात दोन गुन्हे दाखल करण्यात आले आहेत. सतीश भोसले याच्या घरात ज्याप्रमाणे प्राण्यांचे मांस आढळलं होतं त्याप्रकरणी त्याच्याविरोधात वन्यजीव संरक्षण कायदा अंतर्गत गुन्हा दाखल करण्यात आला होता. तसेच वन विभागाच्या जागेवर सतीश भोसले याने घर बांधलं. यावरुन त्याच्यावर दुसरा गुन्हा दाखल करण्यात आला होता.