नासीर हलवाई यांचे कुटुंब हे अमळेनर येथील रहिवासी आहे. मात्र, दिवाळीसाठी वीस दिवस व होळीसाठी तब्बल एक महिना ते कुटुंबासह जळगाव शहरात येतात. कासमवाडीत ते आपला कारखाना लावतात. दिवाळीत साखरेचे नारळ व बत्तासे तयार होतात. यंदाही हलवाई कुटुंबाने शिवरात्रीपासून आपला कारखाना सुरू केला आहे. कुटुंबातील सर्व सदस्य व दहा मजूर या ठिकाणी महिनाभर थांबतात. सध्या या कारखान्यात होळीसाठी लागणारे साखरेचे हार व कडे तयार केले जात आहेत. पारंपरिक लाकडी साच्यांमध्ये साखरेच्या पाकद्वारे तयार होणारे पदार्थ पाहत राहणेदेखील फारच सुखदायी आहे.
घरातच खोदला वीस फूट खोल खड्डा; गुप्तधनासाठी लहान मुलीचा नरबळी देण्याचा प्रयत्न, जालन्यात भोंदूबाबाला अटक
महिनभरात १०० क्विंटल साखर
गेल्या ३५ वर्षांपासून हलवाई कुटुंबाच्या तीन पिढ्या जळगावात साखरेच्या गाठींचे हार-कडे बनवून हिंदू बांधवांच्या होळी सणाचा गोडवा वाढवत आहेत. जळगाव शहराही जिल्ह्याची मोठी बाजारपेठ असल्याने अमळनेरहून एका महिन्यांसाठी अजीज करीम हलवाई येतात. महिनाभरात या कारखान्यात तब्बल शंभर क्विंटल साखरेचे हार व कडे तयार केले जातात. विशेष म्हणजे, ते संपूर्ण खान्देशातील किरकोळ बाजारातील विक्रेत्यांकडून नेले जातात.
सोलापुरात २८ वर्षीय तरुणाची निर्घृण हत्या; विवस्त्र करुन पाठीला लोखंडी सळीने दिलेले चटके, घटनेनं खळबळ
‘हार-कड्यांना विशेष महत्त्व’
हिंदू धर्मात होळी, रंगपंचमी या सणांना अनन्यसाधारण महत्त्व आहे. होळी आणि रंगपंचमी म्हणजे एकमेकांतील भेदभाव विसरून एकत्र येत विविध रंगांची उधळण करण्याचा उत्सव आहे. होळीला साखरेचे हार व कड्‌यांचा नैवेद्य दिला जातो. गुढीपाडव्यालादेखील गुढीला साखरेचा हार घातला जातो. त्यामुळे हिंदू सणात होळीपासून ते गुढीपाडव्यापर्यंत हार-कड्यांना चांगलीच मागणी असते.