विश्वास संपादन करून मोठा गंडा

संभाजी चौकातील श्री सप्तश्रृंगी ज्वेलर्स या दुकानाचा मालक असलेल्या जयंत पालकर यांची आरोपीने मोठ्या शिताफिने फसवणूक केली. पोलिसांनी दिलेल्या माहितीनुसार, आरोपी राहुल खाबिया हा नेहमीच पालकर यांच्या दुकानातून सोन्याचे दागिने खरेदी करीत असे. सुरुवातीला त्याने रोख रकमेच्या माध्यमातून खरेदी करून व्यापाऱ्याचा विश्वास जिंकला. त्यानंतर त्याने मोठ्या प्रमाणावर सोने खरेदी करण्यासाठी धनादेशाद्वारे (चेकने) पेमेंट करण्याचा पर्याय वापरला.

3 किलो पेक्षा जास्त सोनं घेतलं

विशेष म्हणजे, मोठ्या प्रमाणावर सोने खरेदी करून 3 किलोपेक्षा अधिक वजनाचे दागिने आरोपीने आपल्या ताब्यात घेतले. मात्र, बँकेत चेक जमा केल्यानंतर तो परत आला, तेव्हा हा प्रकार उघडकीस आला. पालकर यांनी याबाबत पोलिसांकडे धाव घेत तक्रार नोंदवली. पोलिसांनी प्राथमिक तपासात असे आढळून आले आहे की, राहुल खाबिया याने इतर काही सोने व्यापाऱ्यांचीही अशाच प्रकारे फसवणूक केली असण्याची शक्यता आहे. त्यामुळे पोलिसांकडून अधिक तपास सुरू आहे. सध्या आरोपी फरार असून त्याचा शोध घेण्यासाठी विविध पथके तयार करण्यात आली आहेत.
Sudhir Mungatiwar : नाराजीच्या चर्चांवार सुधीर मुनगंटीवार भर सभागृहात म्हणाले, ‘तुझसे नाराज नहीं जिंदगी, हैरान हूं मैं’
हा प्रकार समोर आल्यानंतर नागपूर शहरातील सोने व्यापाऱ्यांमध्ये चिंतेचे वातावरण निर्माण झाले आहे. व्यवसायिकांनी मोठ्या रकमांची देवाण-घेवाण करताना अधिक सतर्क राहण्याची गरज आहे, असे पोलिसांनी सांगितले आहे. या संपूर्ण घटनेमुळे सोने बाजारातील आर्थिक व्यवहारांवर प्रश्नचिन्ह निर्माण झाले आहे, आणि व्यापाऱ्यांना फसवणुकीपासून बचाव करण्यासाठी योग्य ती काळजी घेण्याचे आवाहन करण्यात आले आहे.