Ajit Pawar on Liquor Shops : एखाद्या सोसायटीत दारुचं दुकान असेल तर त्या परिसरात राहणाऱ्या नागरिकांना तळीरामांकडून होणाऱ्या नाहक त्रासाला सामोरं जावं लागतं. याबाबत आज विधानसभेत प्रश्न उपस्थित करण्यात आला. यानंतर उपमुख्यमंत्री अजित पवार यांनी मोठी घोषणा केली.
आता दारुच्या दुकानासाठी गृहनिर्माण सोसायटीची एनओसी घ्यावी लागणार आहे. सोसायटीच्या गाळ्यात दारुच्या दुकानासाठी एनओसी (ना हरकत प्रमाणपत्र) बंधनकारक असणार आहे. याबाबत विधानसभेत आज प्रश्न उपस्थित करण्यात आला. एका आमदाराने बीयर शॉपमुळे सोसायटीच्या लोकांना किती त्रासाला सामोरं जावं लागतं याबाबत माहिती दिली. यानंतर अजित पवार यांनी याबाबत घोषणा केली.
Inside Story : विधान परिषदेसाठी महायुतीत जोरदार लॉबिंग, भाजपचे 3 उमेदवार ठरले? आतली बातमी
आमदाराची तक्रार काय?
“अध्यक्ष महोदय, बीयर शॉपमध्ये बीयर खरेदी करणारी लोकं बाहेर येऊन दारु प्यायला लागतात. त्यामुळे त्या भागातील नागरिकांना आणि महिलांना त्याचा फार मोठा त्रास भोगावा लागतो. त्यामुळे अशा तक्रारींवर त्वरित कारवाई केली जाईल का?”, असा प्रश्न आमदारांनी आज विधानसभेत उपस्थित केला. त्यावर अजित पवारांनी भूमिका मांडली.
Prakash Solanke : ‘राष्ट्रवादी पक्षाने निवडणुकीवेळी मला 40 लाख दिले’, आमदाराचा सर्वात मोठा खुलासा
अजित पवार काय म्हणाले?
“सोसायटीमध्ये खालच्या गाळ्यांमध्ये कशाप्रकारची दुकाने असावेत हा शेवटी त्यांचा अधिकार आहे. म्हणून सोसायटीची एनओसी असेल तरंच अशा भागात दुकाने स्थलांतरीत देण्याबद्दल निर्णय घेण्यात येईल. लवकरच त्याबाबत नियमात तरतूद केली जाईल, जेणेकरुन या ज्या अडचणी येत आहेत तो प्रश्न निकाली लागेल”, असं आश्वासन अजित पवार यांनी यावेळी दिलं. अजित पवार यांनी याबाबतची घोषणा केल्यामुळे अशाप्रकारच्या अडचणीला सामोरे जाणाऱ्या नागरिकांना मोठा दिलासा मिळणार आहे. कारण गृहनिर्माण सोसायटीच्या गाळ्यातच दारुची दुकानं राहिली तर अनेकजण त्यामुळे व्यसनाधीन होण्याचा धोका जास्त आहे.
लेखकाबद्दलचेतन पाटीलचेतन पाटील हे सध्या महाराष्ट्र टाइम्स ऑनलाईन टीममध्ये डिजीटल कंटेंट प्रोड्यूसर म्हणून कार्यरत आहेत. चेतन यांनी याआधी tv9 मराठी, News18 लोकमत, आपलं महानगर येथे काम केलं आहे.… आणखी वाचा