Mumbai Coastal Road: महापालिकेने देखभाल करण्यासाठी कंत्राटदार नेमण्याचा निर्णय घेतला असून त्यासाठी निविदा काढली आहे. पाच वर्षे देखभालीसाठी देताना महापालिका ८४ कोटी रुपये मोजणार आहे.
महापालिकेने देखभाल करण्यासाठी कंत्राटदार नेमण्याचा निर्णय घेतला असून त्यासाठी निविदा काढली आहे. पाच वर्षे देखभालीसाठी देताना महापालिका ८४ कोटी रुपये मोजणार आहे. या देखभालीमध्ये रस्ते देखभालीचा समावेश आहे. तर लेन मार्किंग, सीसीटीव्हीची देखभाल, टोइंग व्हॅन, अग्निशमन यंत्रणा, क्रॅश बॅरियर इत्यादीचा समावेश आहे.
सागरी किनारा मार्गांवर होणाऱ्या अन्य कामासाठीचा खर्च सध्या महापालिका कमी करण्याचा प्रयत्न करत आहे. ७० हेक्टरवर हरितक्षेत्र तयार करण्यासाठी महापालिकेला साधारण ४०० कोटी रुपयांपर्यंत खर्च येणार आहे. त्यामुळे हा खर्च टाळण्यासाठी महापालिकेने सामाजिक उत्तरदायित्व निधीतून (सीएसआर) ते विकसित करण्याचा निर्णय घेतला असून त्यासाठी निविदा काढून स्वारस्य अभिव्यक्तीही मागवण्यात आली आहे. तर, खर्च टाळण्यासाठी या मार्गांवरील दुभाजकांचे सुशोभीकरण करत आहे. मात्र हा खर्च टाळण्याचा प्रयत्न सुरू असतानाच लवकरच महापालिकेला देखभालीचा मात्र खर्च करावा लागणार आहे.
सागरी किनारा मार्गाच्या देखभालीचा खर्च महापालिकेला मोठ्या प्रमाणात सोसावा लागणार आहे. टप्प्याटप्यात प्रकल्प होत असल्याने त्याची देखभाल प्रकल्प काम करणाऱ्या कंपन्यांकडेच सध्या आहे. प्रकल्प टप्प्याटप्यात सेवेत आल्याने हा खर्च महिन्याला साधारण ५० लाख ते १ कोटीपर्यंत होता. आता देखभालीचे संपूर्ण काम महापालिकेकडे येणार असून त्यासाठी भरमसाट खर्च सोसावा लागणार आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा