‘पीएमपी’च्या सर्व किंवा किमान ५० टक्क्यांहून अधिक बसथांब्यांवर प्रवाशांसाठी छत कधी होईल, याकरिता आणखी किती वर्षे वाट पाहावी लागणार, असा प्रश्न उपस्थित होत आहे. पुणे, पिंपरी-चिंचवड आणि पुणे महानगर प्रदेश विकास प्राधिकरणाच्या (पीएमआरडीए) हद्दीतील ग्रामीण भागात ‘पीएमपी’कडून सेवा दिली जाते. या परिसरात ‘पीएमपी’चे नऊ हजारांपेक्षा जास्त थांबे आहेत. त्यापैकी फक्त १,२०० थांब्यांवर प्रवाशांसाठी छत असल्याने उर्वरित थांब्यांवर प्रवाशांकरिता ‘शेड’ पाहिजे, अशी मागणी केली जात होती.
Raj Thackeray: महाराष्ट्रात राजकारणाचा चिखल झालाय! मनसेच्या वर्धापनदिन कार्यक्रमात राज ठाकरेंची टीका
‘पीएमपी’ने गेल्या वर्षी थांबे उभारण्यासाठी वारंवार निविदा प्रसिद्ध करूनही प्रतिसाद मिळत नव्हता. अखेर ३०० थांब्यांच्या निविदेला प्रतिसाद मिळाला. पुढील काही दिवसांत हे ३०० थांबे उभारायचे काम पूर्ण होईल. हे तीनशे थांबे पूर्ण झाल्यानंतरही एकूण ‘शेड’ असलेल्या बसथांब्यांची संख्या पंधराशेपर्यंत पोहोचणार आहे. त्यामुळे दोन्ही महापालिकांसह पुण्याच्या लोकप्रतिनिधींनी बसथांब्यावर शेड उभारून प्रवाशांच्या सुरक्षेकडे प्राधान्याने लक्ष द्यायला हवे.

महापालिकांनी थांबे उभारावे
‘पीएमपी’ मधून दररोज साधारण ११ ते १२ लाख प्रवासी प्रवास करतात. त्यात विद्यार्थी, महिला, ज्येष्ठ नागरिकांचा सहभाग मोठा आहे. ‘पीएमपी’कडून गर्दी असलेल्या थांब्यांवर शेड उभी केली जाते. तेथे जाहिरातीसाठी प्रतिसाद असल्यामुळे निविदेला प्रतिसाद मिळतो. उपनगरांमधील महत्त्वाच्या थांब्यांवर मोठी गर्दी असते. तिथे थांबा उभारण्यास कोणीही तयार होत नाही. त्यामुळे तेथील प्रवाशांना उन्हातच थांबून बसची वाट पाहावी लागते. त्यामुळे गर्दी असलेल्या ठिकाणी महापालिकांनी थांबे उभारण्यासाठी पुढाकार घ्यावा, अशी मागणी केली जात आहे.
शिमग्याआधीच प्रवाशांच्या बोंबा! होळीनिमित्त खासगी बसचे भाडे कडाडले, मुंबई ते कोकण तिकीट किती?
निविदांना प्रतिसाद नाही
पीएमपी प्रशासनाकडून थांबे उभारण्यासाठी निविदा काढली असली, तरी जाहिरातींना अल्प प्रतिसाद मिळण्याची शक्यता असल्यास थांबे उभारण्यासाठी कोणीही पुढे येत नाही. गेल्या वर्षी पीएमपी प्रशासनाकडून पाच ते सहा वेळा ३०० थांब्यांसाठी निविदा काढली होती; पण त्याला प्रतिसाद मिळाला नाही. शेवटी काही अटी कमी केल्यानंतर निविदेला प्रतिसाद मिळाला.

खराडी बायपास रस्त्यावर ‘पीएमपी’चे अनेक थांबे आहेत. तिथे एकाही थांब्यावर शेड नाही. काही ठिकाणी तर पाटीसुद्धा नाही. तिथे थांबा असल्याचे समजत नाही. उन्हाळा सुरू झाल्यामुळे प्रवाशांना उन्हात उभे राहावे लागते. प्रवासी जवळच्या झाडाखाली उभे राहतात आणि बस दिसल्यानंतर रस्त्यावर येतात. यात कधी-कधी बस निघूनही जाते. – सुधीर जमाले, प्रवासी
होळीला गावी जाणाऱ्यांसाठी खूशखबर! ‘या’ मार्गावर धावणार आणखी दोन एक्स्प्रेस, असे आहे नियोजन
‘पीएमपी’कडून ‘बीओटी’ तत्त्वावर ३०० बस थांब्यांसाठी गेल्या वर्षी निविदा पूर्ण झाली आहे. त्यापैकी २०० थांब्यांचे काम सुरू आहे. आणखी २०० थांब्यांसाठी निविदा प्रक्रिया सुरू असून, येत्या काही दिवसांमध्ये त्याची प्रक्रिया पूर्ण करून हे थांबे लवकर पूर्ण केले जातील. – दत्तात्रय झेंडे, मुख्य वाहतूक व्यवस्थापक
Nashik MHADA: नाशिककरांनो, ही संधी दवडू नका! MHADAच्या अर्जासाठी ‘या’ तारखेपर्यंत मुदतवाढ, कुठे कराल अर्ज?
ठळक मुद्दे
१५- पीएमपीचे एकूण आगार
३८१- एकूण मार्ग
९,०००- पीएमपीचे एकूण बस थांबे
१,२००- शेड असलेले बस थांबे
१,९७०- एकूण गाड्या
२००- नव्याने शेड उभारणी सुरू
२००- निविदा प्रक्रिया सुरू असलेले थांबे