“हा जो महाशय आहे तो पारधी समाजाचा मुलगा आहे. त्याच्यावर दोन गुन्हे तर मीच दाखल करायला लावले आहेत. आता भोसले आडनाव म्हणून काल-परवा पासून फिरवलं जातंय. काही जणांकडून असं सांगितलं जातंय की, तो मराठा समाजाचा आहे. पण तो मराठा समाजाचा नाही. पारधी समाजाचा आहे. त्याची काय टोळी वगैरे नाही. तो मुकादमांना लेबर पुरवणाऱ्यांपैकी एक कार्यकर्ता आहे. त्याची जी चूक झाली असेल, त्या चुकीच्याबाबत आम्ही त्याच्या कधी पाठिशी उभे राहत नाहीत”, असं सुरेश धस म्हणाले.

‘सतीश भोसले माझा कारभार थोडी चावलतो?’

“फेसबुकवर कोण कुणाला बॉस करेल, कोण कुणाला त्याचं सरकार करेल, त्याचं आपण काय करु शकतो? बॉस म्हणून लिहिलं, सरकार म्हणून लिहिलं, असे अनेक लोकं लिहितात ना, तो काय माझा कारभार वगैरे थोडी चालवतो?”, असा सवाल सुरेश धस यांनी केला.

“धनंजय मुंडे यांचा पूर्ण कारभार वाल्मिक कराड पाहायचा. तसाच सतीश भोसले हा माझ्याशी इतका संबंधित किंवा जवळचा नाहीय. तो भोसले मुकादमांना लेबल पुरवण्याची काम करतो. एवढी मला त्याची माहिती आहे. माझ्याकडे आल्यानंतर कुणाला फोटोसाठी नाही म्हणता येत? फोटो काढायचा आहे तर काढा. वाढदिवसाच्या सर्व दुनियेला शुभेच्छा द्याव्या लागतात. तो मागे काही दिवस माझ्या विरोधातही गेला होता. तो पंकजा ताईंच्या गटात गेला होता. आमचा गट सोडून गेला खोक्या”, असा खुलासा सुरेश धस यांनी केला.
Gaurav Ahuja : पुण्यात भर चौकात अश्लील चाळे करणाऱ्या गौरव अहुजाचा माज उतरला; जाहीर माफीचा व्हिडीओ समोर

‘हा एवढा मोठा खोक्या बिक्या नाही’

“मी त्याच्या कृत्यांवर पांघरुन घालणार नाही. पण अजूनही पारधी समाज, भील समाज, कोकणा समाज किंवा शेड्यूल ट्राईब यांच्या जीवनात अजूनही पाहाट झालेली नाही. मग मुकादमीमध्ये त्याने जास्त पैसे कमावले. तो त्याचा प्रश्न आहे. त्याने दोन-तीन लाख जमा केले आणि नंतर बोर्डवर टाकताना मी खोक्या पाहिला आहे. त्याचा व्हिडीओ त्याने स्वत: बनवला आहे. तो दाखवतोय. मला असं वाटतं की, त्यांच्यामध्ये असलेलं अज्ञान. या फोटो काढण्याचा काय परिणाम याची जाण नसल्यामुळे त्याच्याकडून पैसे उधळले गेले. त्याला असंच कुणीतरी खोक्या म्हटलं असेल. हा एवढा मोठा खोक्या बिक्या नाही”, असं सुरेश धस म्हणाले.
Amol Kolhe : बुऱ्हाणपूरमध्ये ‘औरंगजेबाचा खजिना’ लुटण्यासाठी शेकडो नागरिकांनी खड्डे खोदले, अमोल कोल्हे म्हणाले…
“शुभेच्छा द्याव्याच लागतात ना? आदल्या दिवशी मी विसरलो असेल, मग कुणीतरी सांगितलं की, याच्या वाढदिवसाच्या शुभेच्छा द्यायच्या राहिल्या आहेत. त्यामुळे बीलेटेड वाढदिवसाच्या शुभेच्छा दिल्या. तुम्ही तुमचाही जन्म दिवस द्या. तुम्हालाही बीलेटेड का असेना, तुम्हालाही शुभेच्छा देऊन टाकेन”, असं सुरेश धस म्हणाले.