राज्य सरकारचा महत्वाकांक्षी प्रकल्प असलेला शक्तिपीठ महामार्ग सुरू करण्यासाठी सध्या जोरदार हालचाली सुरू आहेत. मात्र याला कोल्हापूरसह महामार्ग जाणाऱ्या 12 जिल्ह्यातून जोरदार विरोध सुरू आहे. सध्या या महामार्गातून कोल्हापूर जिल्ह्याला वगळण्यात आल्याचं सरकारकडून बोलल जात असल तरी, राज्य नियोजन मंडळाचे कार्यकारी अध्यक्ष आमदार राजेश क्षीरसागर, राज्यसभा खासदार धनंजय महाडिक आणि गोपीचंद पडळकर आज कोल्हापुरात शक्तिपीठ महामार्ग समर्थनार्थ बाधित शेतकऱ्यांचा मेळावा घेत आहेत. या मेळाव्यास कोल्हापूर जिल्ह्यातील बाधित शेतकरी आणि महायुतीचे कार्यकर्ते उपस्थितीत आहेत. यामुळे शक्तिपीठ महामार्ग विरोधी शेतकरी विरुद्ध समर्थक असा सामना पहायला मिळत आहे. दरम्यान या शक्तिपीठ महामार्गात बाधित होणाऱ्या समर्थक शेतकऱ्यांशी बातचीत केली आहे आमचे प्रतिनिधी नयन यादवाड यांनी…