Suresh dhas and satish bhosale : बीडच्या शिरूरचा कुख्यात गुंड आणि आमदार सुरेश धस यांचा खंदा कार्यकर्ता सतीश भोसलेचे क्रूर व्हिडिओ व्हायरल होत आहेत, ज्यामुळे खळबळ उडाली आहे. सतीश भोसलेवर गुन्हा दाखल करण्यात आला आहे. आता त्यामध्येच सुरेश धस आणि सतीश भोसले यांच्यातील एक ऑडिओ क्लिप व्हायरल होताना दिसत आहे.
आता आमदार सुरेश धस आणि सतीश भोसले यांच्यामधील एक ऑडिओ क्लिप तूफान व्हायरल होताना दिसतंय. ९९ टक्के नाही तर तुझ्यावर शंभर टक्के आर्शिवाद असल्याचे म्हणताना सुरेश धस हे दिसत आहेत. आमदार सुरेश धस यांनी सतीश भोसले याला फोन केल्याचे या क्लिपमधून दिसत आहे. सुरेश धस हे सतीश भोसले याला थेट खोक्या बोलताना दिसत आहेत. सुरेश धस यांनी त्याला वाढदिवसाच्या शुभेच्छा दिल्या आहेत.
सतीश भोसलेवर सुरेश धसांचा आर्शिवाद?, नवीन कारनामे उघड, गाडीवर चढून पाडला पैशांचा पाऊससुरेश धस म्हणतात, ऐ खोक्या, हॅलो अरे सॉरी हा बाबा, मला गडबडीमध्ये जमल नाही शुभेच्छा द्यायला. त्यावर सतीश भोसले म्हणतो की, बोला ना..सुरेश धस पुढे म्हणतात की, काय नाही काय नाही, वाढदिवसाच्या बिलेटेड शुभेच्छा. यावर सतीश भोसले म्हणतो, धन्यवाद भाऊ…तुमचा आशीर्वाद राहुद्या फक्त पाठिशी…यावर सुरेश धस म्हणाले, १०० टक्के आहे १०० टक्के…९९ सुद्धा नाही.
Satish Bhosale :’ऐ खोक्या, माझा तुला ९९ सुद्धा नाही, १०० टक्के आशीर्वाद… ‘; सुरेश धसांची ‘ती’ ऑडिओ क्लिप व्हायरल
आता या व्हायरल होणाऱ्या ऑडिओ क्लिपमुळे मोठी खळबळ निर्माण झालीये. सुरेश धस यांचाच आशीर्वाद या सतीश भोसलेला असल्याची चर्चा आहे. अनेक व्हिडीओ हे सतीष भोसले याचे व्हायरल होताना दिसत आहेत. हेच नाही तर ज्या व्यक्तीला मारहाण करताना सतीश भोसले हा दिसत आहे त्याने आता पुढे येत गंभीर आरोप केली आणि आपल्याला न्याय मिळाला नसल्याचे त्याने सांगितले. गुन्हा दाखल झाल्यानंतर सतीश भोसले हा फरार झाला आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा